Səfirimiz etimadnaməsini prezidentə təqdim edib
19:21 24 Oktyabr 2016
Azərbaycan Respublikasının iqamətgahı Roma şəhərində yerləşən, eyni zamanda Malta Respublikasındakı səfiri Məmməd Əhmədzadə etimadnaməsini bu ölkənin Prezidenti Mari-Luiz Koleyro Prekaya təqdim edib.
Xarici İşlər Nazirliyinin mətbuat xidmətindən Femida.az-a bildiriblər ki, M.Əhmədzadə Azərbaycan Prezidenti İlham Əliyevin Malta Prezidentinə salamlarını və xoş arzularını çatdırıb, son illərdə iki ölkə arasında əlaqələrin inkişafında müşahidə olunan intensivliyi qeyd edib, əməkdaşlığın bundan sonra daha da inkişafı üçün çalışacağını vurğulayıb.
Maltanın Prezidenti Mari-Luiz Koleyro Preka onun da salamlarını və xoş arzularını Azərbaycan Prezidenti İlham Əliyevə çatdırmağı xahiş edib. O, Maltanın Azərbaycanla əməkdaşlığın inkişafına böyük önəm verdiyini, bu xüsusda son dövrdə Maltadan Azərbaycana çoxsaylı yüksək səviyyəli səfərlərin həyata keçirildiyini deyib. Prezident Mari-Luiz Koleyro Preka cari ilin aprelində Birləşmiş Millətlər Təşkilatının Sivilizasiyalar Alyansının Bakıda keçirilmiş 7-ci Qlobal Forumunda iştirak etmək məqsədilə ölkəmizə səfəri və Prezident İlham Əliyevlə görüşü ilə bağlı xoş təəssüratlarını bölüşüb.
Görüşdə müxtəlif sahələrdə əlaqələrin inkişafı perspektivləri, 2017-ci ilin birinci yarısında Malta Respublikasının Avropa İttifaqına sədrliyi dövründə Azərbaycan-Aİ əməkdaşlığına verə biləcəyi töhfə, habelə qarşılıqlı maraq doğuran digər mövzular ətrafında fikir mübadiləsi aparılıb.
M.Əhmədzadə, həmçinin Maltanın xarici işlər naziri Corc Vella, parlamentin sədri Ancelo Farruca, xarici əlaqələr komitəsinin rəhbəri Luçano Busuttil, Azərbaycanla parlamentlərarası dostluq qrupunun rəhbəri Kris Acus və digər deputatlar ilə görüşlər keçirib. Görüşlərdə ikitərəfli münasibətlərin hazırkı vəziyyəti və perspektivləri, regional mövzular, o cümlədən Ermənistan-Azərbaycan, Dağlıq Qarabağ münaqişəsi və qarşılıqlı maraq doğuran digər məsələlər müzakirə olunub.
Femida.az
Oxunub: 1114
Oxşar xəbərlər
- Səfirimiz etimadnaməsini təqdim etdi
- Səfirimiz baş katiblə görüşüb
- Səfirimiz etimadnaməsini təqdim edib
- Səfirimiz XİN-ə müraciət etdi - Moskvadakı erməni təxribatı ilə bağlı
- Səfirimiz Rakviaşvili ilə görüşdü
- Səfirimiz nazirlə görüşüb
- Səfirimiz Pan Gi Munla görüşüb
- Səfirimiz pakistanlı generalla görüşüb
- Səfirimiz prezidentlə görüşdü
- Səfirimiz pakistanlı generalla görüşdü