Yaponiya və Rusiya liderləri Peruda görüşüb
16:05 20 Noyabr 2016
NHK televiziya kanalının yaydığı məlumata görə, Yaponiyanın Baş naziri Şinzo Abe və Rusiya Prezidenti Vladimir Putin Asiya-Sakit Okean İqtisadi Əməkdaşlığı Sammiti çərçivəsində Peruda görüşüblər.
Təqribən bir saat davam edən görüşdən sonra Baş nazir Ş.Abe bildirib ki, Rusiya ilə sülh müqaviləsi barədə danışıqlarda sabit tərəqqinin davam etməsini istəyir.
Görüş barədə məlumat verən Ş.Abe qeyd edib ki, əsasən sülh müqaviləsinin imzalanması ilə əlaqədar müzakirələr davam etdirilib. İkinci Dünya müharibəsindən sonra iki ölkə arasında dörd adaya görə davam edən ərazi mübahisəsi buna imkan vermir. Tokio hökumətinin mövqeyinə görə, həmin adalar Yaponiyanın ayrılmaz tərkib hissəsidir və müharibədən sonra qeyri-qanuni olaraq işğal edilib.
Baş nazir bildirib ki, müqavilənin V.Putinlə birbaşa və dərindən müzakirəsinə imkan yaradılması bu işdə mühüm rol oynaya bilər. İki tərəf arasında qarşılıqlı inam yaradılmadan danışıqlar irəliləyə bilməz. Ş.Abe qeyd edib ki, V.Putinin gələn ay Yaponiyaya gözlənilən səfəri ərəfəsində onunla məhsuldar müzakirələr aparılmasına nail olub.
Baş nazir, həmçinin bildirib ki, Rusiya Prezidentinin səfərinə hazırlıqla əlaqədar Yaponiyanın xarici işlər naziri Fumio Kişida Moskvaya gedəcək. (Azərtac)
Femida.az
Oxunub: 1089
Oxşar xəbərlər
- Yaponiya Rusiyaya qarşı sanksiyaları genişləndirir
- Britaniya, ABŞ, Kanada və Yaponiya Rusiyadan qızıl idxalına qadağa qoyub
- Yaponiya İmperatoru Azərbaycan Prezidentini təbrik edib
- Yaponiya Rusiyanın Baş naziri daxil olmaqla 130-dan şəxsə qarşı sanksiyalar tətbiq edib
- Rusiya Yaponiya Baş nazirinə sanksiya tətbiq edib
- Yaponiya Rusiyaya zinət əşyalarının ixracına qadağa qoyacaq
- XİN sözçüsü: "Rusiyanın Yaponiya ilə sülh müqaviləsi imzalaması mümkün deyil”
- Yaponiya sahillərində gəmi yanaraq batıb, ölən, itkin düşənlər var
- Yaponiya səfirliyi Azərbaycana başsağlığı verib
- Yaponiya koronavirusun delta ştamına qalib gəldiyini elan edib