Azərbaycana dərman gətirən sürücü maşını ilə birgə oğurlandı - Ukraynada
20:58 12 Aprel 2017
Azərbaycanın “Epidbiomed” tibbi şirkətinə məxsus dərman və digər tibbi ləvazimatlarla yüklü 20 tonluq avtomobil Ukraynada naməlum şəxslər tərəfindən oğurlanıb.
Femida.az -ın xəbərinə görə, şirkətin baş direktoru Surxay Mustafayev APA-ya bildirib ki, sürücüsü ilə birlikdə yoxa çıxan avtomobildə 170 min avroluq yük olub.
Avstriyadan Bakıya yola salınan yükün olduğu avtomobil Ukrayna ərazisinə girdikdən sonra sürücü ilə əlaqənin itdiyini bildirən S.Mustafayevin sözlərinə görə, yükü çatdırmağa Ukrayna şirkəti məsul olub:
“Yükün çatdırılmasını “Rodnev” şirkəti üzərinə götürüb. Rəsmi müqavilə bağlamışıq. Dərman və digər tibbi ləvazimatlardan ibarət yük Avstriyadan alınıb, Ukraynaya qədər problemsiz gəlib. Ukrayna ərazisində isə sürücü Reva Tarasla əlaqə kəsilib. Yük maşını yoxa çıxdıqdan sonra “Rodnev” şirkəti də bizimlə əlaqəni müəmmalı şəkildə kəsib. Xeyli müddət əlaqə yarada bilmədik, sonradan öyrəndik ki, yük naməlum şəkildə oğurlanıb. Ukraynanın bir sıra rəsmi qurumlarına müraciət etsək də, cavab və nəticə yoxdur”.
S.Mustafayev onu da əlavə edib ki, yükün yoxa çıxmasında “Rodnev” şirkətinin əli olduğunu ehtimal edirlər.
Qeyd edək ki, son bir neçə ay ərzində Azərbaycan şirkətlərinə məxsus yüklərin olduğu 18 ağır tonnajlı yük maşını Ukraynada oğurlanıb.
Femida.az
Oxunub: 1060
Oxşar xəbərlər
- Azərbaycana nə qədər turist gəlib? - SON STATİSTİKA
- Azərbaycana gələn avtobus aşdı - 30 nəfər yaralandı
- Azərbaycana içki idxalı 10% artıb
- Azərbaycana saxta etiketli araq keçirilməsinin qarşısı alınıb
- Azərbaycana qış gəlib
- Azərbaycana idxal edilən vertolyot gömrük rüsumundan azad edilib
- Azərbaycana 22 sm qar yağıb
- Azərbaycana gələn hər üç turistdən biri rusiyalıdır
- Azərbaycana 9,3 mln. dollarlıq avtobus gətirilib
- Azərbaycana gələn turistlərin sayında artım var