"Qarabağ münaqişəsi regional sabitliyə ciddi təhdiddir" - Zakir Həsənov
22:58 27 Aprel 2017
Müdafiə naziri, general-polkovnik Zakir Həsənov aprelin 27-də Azərbaycanda səfərdə olan Türkiyə Respublikası Jandarma Baş Komandanı, ordu generalı Yaşar Gürelin rəhbərlik etdiyi nümayəndə heyəti ilə görüşüb.
Müdafiə Nazirliyinin mıətbuat xidmətindən Femida.az -a verilən məlumata görə, Z. Həsənov Azərbaycanla Türkiyə arasında hərbi əməkdaşlığın daim inkişaf etdiyini, strateji tərəfdaşlıq və qardaşlıq münasibətləri əsasında qurulduğunu və əlaqələrimizin davamlı olduğunu vurğulayıb.
Regiondakı hərbi-siyasi vəziyyətə toxunan nazir bildirib ki, Ermənistan-Azərbaycan, Dağlıq Qarabağ münaqişəsi regional sabitliyə ciddi təhdiddir. Bu problemin tezliklə beynəlxalq hüququn normaları və prinsipləri çərçivəsində həlli vacibdir.
Öz növbəsində, Y. Gürel dövlətlərimizin əlaqələrinin qədim tarixi köklərə, mehriban dostluq ənənələrinə əsaslandığını və Türkiyənin Azərbaycanın vacib tərəfdaşı olduğunu vurğulayıb.
Sonra Azərbaycan və Türkiyə hərbi qurumları arasında əlaqələrin inkişaf perspektivləri, hərbi, hərbi-texniki və hərbi təhsil sahələrində əməkdaşlıq imkanları, birgə planların işlənilməsi, təlimlərin keçirilməsi, qarşılıqlı səfərlərin təşkili, o cümlədən maraq doğuran digər məsələlər barədə fikir mübadiləsi aparılıb.
Femida.az
Oxunub: 807
Oxşar xəbərlər
- Qarabağda 2 erməni hərbçi yaralanıb
- Qarabağda erməni əsgəri öldürülüb
- Qarabağa qanunsuz gedən fotoqraf Azərbaycan xalqından üzr istədi
- Qarabağ əlilləri və şəhid ailələrinə ev verildi
- Qarabağa yeni hərbi prokuror təyin edilib
- Qarabağda erməni əsgər güllələnərək öldürülüb
- Qarabağ əlilləri və şəhid ailələrinə ev verilib
- Qarabağ münaqişəsi ATƏT-də müzakirə olunacaq
- Qarabağdakı Avropa şirkətlərinə xəbərdarlıq - Cinayət məsuliyyəti...
- Qarabağ münaqişəsinə dair `Putin planı` - Zaxarova şərh etdi