Araz Əzimov Əfqanıstanda səfərdədir
22:11 31 May 2017
Azərbaycan xarici işlər nazirinin müavini Araz Əzimov Əfqanıstan İslam Respublikasında səfərdədir.
Xarici İşlər Nazirliyinin mətbuat xidmətindən Femida.az-ya verilən məlumata görə, səfər çərçivəsində A. Əzimov bu ölkənin prezidenti Əşrəf Qani tərəfindən qəbul edilib.
Araz Əzimov Azərbaycan prezidenti cənab İlham Əliyevin salamlarını və dəvət məktubunu Əfqanıstan prezidentinə çatdırdı. Əfqanıstan Prezidenti Əşrəf Qani ən xoş arzularının Azərbaycan prezidenti İlham Əliyevə çatdırılmasını xahiş edib.
Nazir müavini, həmçinin, Əfqanıstanın xarici işlər naziri Səlahəddin Rəbbani və digər rəsmi şəxslərlə də görüşüb.
Görüşlərdə ikitərəfli siyasi dialoq və praktiki əməkdaşlıq məsələləri müzakirə olunub.
Əfqanıstan rəsmiləri ölkədə stabilliyin yaradılması işinə Azərbaycanın verdiyi dəstəyin və Asiyanın Ürəyi - İstanbul Prosesinə həm-sədrliyinin yüksək qiymətləndirildiyini bildiriblər.
Səfər əsnasında A.Əzimov Asiyanın Ürəyi - İstanbul Prosesinin səfirlər səviyyəsində görüşünə həmsədrlik edib. Sözügedən görüşdə bu ilin sonunda Bakıda keçiriləcək Asiyanın Ürəyi - İstanbul Prosesinin Nazirlər səviyyəsində iclasına hazırlıqla bağlı məsələlər müzakirə olunub.
Oxunub: 823
Oxşar xəbərlər
- Araz çayında suyun səviyyəsi azalıb
- Arazda batan gəncin meyiti tapıldı
- Araz Ağalarovun metro stansiyası bağlanır
- Araz çayından meyit tapılıb
- Araz Əzimov İsrail və Fələstinə səfər edib
- Araz Əzimov səfirlərlə Qarabağı müzakirə etdi
- Araz Əzimov Almaniyaya getdi
- Araz çayından Urmiya gölünə kanal çəkiləcək?