Qaxda ağır qəza - Ölənlər var
13:07 01 İyun 2017
Qaxda yol-nəqliyyat hadisəsi baş verib.
Bu gün saat 01:30 radələrində Yevlax-Zaqatala-Gürcüstan sərhəd magistral yolunun Qax rayonunun Dəymədağlı kəndi ərazisindən keçən hissəsində Zaqatala rayonu Yuxarı Tala kənd sakini, 1984-cü il təvəllüdlü Bəhruz Məmməd oğlu Ramazanovun idarə etdiyi “VAZ 2109” markalı 62 BH 557 dövlət nömrə nişanlı avtomobil idarəetmədən çıxaraq, yolun kənarındakı ağaca çırpılıb.
Nəticədə sürücü və sərnişin, sürücünün həmkəndlisi, 1985-ci il təvəllüdlü Ruslan İbo oğlu Muradov aldıqları müxtəlif dərəcəli ağır bədən xəsarətlərindən hadisə yerində ölüblər.
Avtomobildə olan digər sərnişinlər, sürücünün həmkəndliləri 1988-ci il təvəllüdlü Həsrət Cabrayıl oğlu Kərimov və 1977-ci il təvəllüdlü İlqar İslam oğlu Əhmədov isə Qax Mərkəzi Rayon Xəstəxanasına (MRX) aparılıblar.
Qax MRX-dan APA-ya bildirilib ki, onlar xəstəxananın cərrahiyə şöbəsinə yerləşdiriliblər, vəziyyətləri orta-ağır qiymətləndirilir.
Faktla bağlı DİN-nin Dövlət Yol Polisi İdarəsinin Baş İstintaq və Təhqiqat bölməsində araşdırma aparılır. (APA)
Femida.az
Oxunub: 1188
Oxşar xəbərlər
- Qaxda zavodda yanğın olub
- Qaxda yanğının qarşısı alındı
- Qaxdakı yanğın söndürüldü
- Qaxda ağır qəza - ölən və yaralananlar var
- Qaxda şagird ehtiyatsızlıqdan özünü asıb
- Qaxda Bayraq Muzeyinin açılışı olub
- Qaxda ağac `soyqırımı` - Nazirlik prokurorluğa akt göndərdi
- Qaxda xəstəxana yanıb
- Qaxda 100-dən artıq ağac qanunsuz kəsildi
- Qaxda musiqiçi itkin düşüb