7 ağaca görə 3 manata yaxın pul ödəyəcək - Əks halda...
16:17 31 İyul 2017
Ekologiya və Təbii Sərvətlər Nazirliyinin (ETSN) “Qaynar xətt”inə Zaqatala rayonunun Muxax kənd sakini Şaban Mahmudov tərəfindən Muxax bələdiyyəsinin mülkiyyətinə məxsus Selbasar adlanan ərazidə ağacların kəsilməsi ilə bağlı şikayət daxil olub.
ETSN-nin mətbuat xidmətindən Femida.az-a verilən məlumata görə, şikayət nazirliyin 9 saylı Ərazi Ekologiya və Təbii Sərvətlər şöbəsinin əməkdaşları tərəfindən yerində araşdırılıb.
Araşdırma zamanı sözügedən ərazidə yaş köküstə 7 ədəd ağ akasiya ağacının rayon sakini İlqar Gəncəliyev tərəfindən kəsildiyi aşkar olunub. Faktla bağlı protokol tərtib edilib, inzibati xəta törətdiyinə görə İ. Gəncəliyevə 2890 manat məbləğində cərimə və ziyan tətbiq olunub.
Qeyd edək ki, Azərbaycanda qanunsuz ağac kəsməyə görə cərimələr sərtləşdirilib. Bu barədə məsələ Meşə Məcəlləsinə təklif edilən dəyişiklikdə öz əksini tapıb.
Dəyişikliyə əsasən, meşələrdə və ya xüsusi mühafizə olunan ərazilərdə ağacların, kolların və ya digər yaşıllıqların, eləcə də meşə fonduna daxil olmayan yaşıllıqların qanunsuz kəsilməsi xeyli miqdarda ziyan vurduqda beş min manatdan yeddi min manata qədər miqdarda cərimə və ya iki ilədək müddətdə islah işləri və ya üç ilədək müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə iki ilədək müddətdə azadlıqdan məhrumetmə ilə cəzalandırılır.
Femida.az
Oxunub: 1454
Oxşar xəbərlər
- 700 hərbi əsiri azad edən `Mixaylo`nun ölümünün sirli məqamları - FOTOLAR
- 70 yaşlı qadının meyiti tapılıb
- 7 kq-a yaxın narkotik aşkarlandı
- 73 yaşlı qadın meyiti tapıldı
- 778 nəfər şəkərli diabet xəstəsidir - Mingəçevir və Yevlaxda
- 7 otaqlı ev yanıb
- 76 yaşlı piyadanı avtomobil vurub
- 70 nəfər avtoxuliqanlığa görə məsuliyyətə cəlb olunub
- 700 şirkət Kataloniyanı tərk edib
- 7 yaşlı uşağa qaraciyər köçürüldü