Ağac budaqlarını qanunsuz kəsən şəxs cərimələnib

11:13     12 Avqust 2017 ekologiya-nazirliyi_15010709300.jpg

Ekologiya və Təbii Sərvətlər Nazirliyinin “Qaynar xətt”inə Yardımlı rayonu Ərus kənd sakini Rahim Qarayev tərəfindən kənd qəbirstanlığı ərazisində ağascların qanunsuz kəsilməsi ilə bağlı şikayət daxil olub.


Nazirlikdən Femida.az-a verilən məlumata görə, şikayət Nazirliyin yerli qurumlarının əməkdaşları tərəfindən dərhal yerində araşdırılıb.

Əraziyə keçirilən baxış zamanı 2 ədəd alça ağacının qanunsuz olaraq budandığı məlum olub.

Araşdırma zamanı yaşköküstə ağacların budaqlarının Ərus kənd sakini Dədəbəy Ağayev tərəfindən kəsildiyi aşkar edilib. Faktla bağlı qanun pozucusu barəsində protokol tərtib olunub və o qanunvericiliyə uyğun qaydada 100 manat məbləğində cərimə edilib.

Femida.az

Açar sözlər:

Oxunub: 904