Azərbaycanlılar Ermənistan səfirliyi qarşısında etiraz aksiyası keçirdi
22:27 30 Avqust 2017
Böyük Britaniyada yaşayan və fəaliyyət göstərən azərbaycanlılar Ermənistanın Londondakı səfirliyinin qarşısında etiraz aksiyası keçiriblər.
Femida.az report-a istinadən xəbər verir ki, soydaşlarımız avqustun 31-nin Azərbaycanın Qubadlı rayonunun Ermənistan silahlı qüvvələri tərəfindən işğalının 24-cü ildönümü olduğunu söyləyiblər və buna dinc şəkildə etirazlarını bildiriblər.
Aksiyada Azərbaycan musiqisi skripkada ifa olunub, yerli ictimaiyyətə həqiqətlər çatdırılıb. Eyni zamanda işğal zamanı həlak olan azərbaycanlıların yarımçıq qalmış taleləri, qaçqın düşmüş soydaşlarımızın göz yaşlarının rəmzi kimi qara geyinmiş skripkaçının yaratdığı qəmgin mənzərə ilə 24 ildir düşmən tapdağı altında olan Qubadlının işğalı yad edilib.
Ermənistan səfirliyinin əməkdaşlarının etirazlarına baxmayaraq, aksiya zamanı heç bir insident qeydə alınmayıb.
Qeyd edək ki, Azərbaycanın Qubadlı rayonu 1993-cü il avqustun 31-də Ermənistan silahlı qüvvələri tərəfindən işğal olunub. Rayonun müdafiəsi zamanı 283 könüllü qəhrəmancasına həlak olub, onların yeddisi Azərbaycanın Milli Qəhrəmanı adına layiq görülüb.
Femida.az
Oxunub: 945
Oxşar xəbərlər
- Azərbaycanlıların reaksiyası yekdil deyil - Ekspertdən İran hadisələrinə ŞƏRH
- Azərbaycanlılar Rusiyada milyonluq kompleks aldı
- Azərbaycanlıların Ermənistandan deportasiyasından 29 il ötür
- Azərbaycanlılar yeni ildə bu şəhərə axın edəcək
- Azərbaycanlıların yaşadığı qəsəbədə xüsusi əməliyyat - Gürcüstanda
- Azərbaycanlıların yaşadığı qəsəbə ilə bağlı qərar verildi
- Azərbaycanlılar Quran müsabiqəsində ikinci oldu
- Azərbaycanlıların yaşadığı qəsəbədə xüsusi əməliyyat keçirildi
- Azərbaycanlılar Saakaşvilinin Gürcüstana qayıtmasını istəyir
- Azərbaycanlıların problemi Gürcüstan parlamentində