Yəməndə evlər atəşə tutuldu - 3 uşaq ölüb
19:34 17 Sentyabr 2017
Yəməndə yaşayış məhəllələrinin atəşə tutulması nəticəsində 3 uşaq ölüb, 9 uşaq yaralanıb.
Femida.az-ın TASS agentliyinə istinadən verdiyi məlumata görə, bu barədə bu gün Qırmızı Xaç Komitəsi məlumat yayıb.
Hadisə sentyabrın 15-də Yəmənin Taiz vilayətində Şab-əl-Dubba və Suk-as-Samil yaşayış məhəllələrinin atəşə tutulması zamanı baş verib. Uşaqlardan ikisi futbol oynayan zaman atəş nəticəsində ölüb. Qırmızı Xaç Komitəsi münaqişə tərəflərini dinc sakinlərin qorunması üçün bütün mümkün tədbirləri görməyə çağırıb.
Qeyd edək ki, 2004-cü ilin avqustundan Yəməndə hökumət qüvvələri və qiyamçı husilər arasında qarşıdurma davam edir. 2015-ci ilin martında Səudiyyə Ərəbistanının başçılıq etdiyi koalisiyanın müdaxiləsindən sonra münaqişə daha aktiv mərhələyə keçib.
BMT-nin bu il avqustun 30-a qədər olan dövrü əhatə edən hesabatına əsasən münaqişə nəticəsində 5 min 144 din sakin ölüb, 8 min 749 din sakin isə yaralanıb. Ümumilikdə 20 milyon nəfərin, yəni Yəmən əhalisinin 70 faizinin humanitar yardıma ehtiyacı var, 3 milyon insan ölkə daxilində məcburi köçkün durumuna düşüb. Yəməndə 2 milyon insan aclıq həddindədir, 2 milyon uşaq isə yetərincə qidalanmır.
Oxunub: 717
Oxşar xəbərlər
- Yəməndə terror: 15 ölü
- Yəməndə ABŞ PUA-sı vurulub
- Yəməndə onlarla husi silahlısı öldürülüb
- Yəməndə vəbadan ölənlərin sayı artdı
- Yəməndə 24 nəfər öldürülüb
- Yəməndə 860 nəfər vəbadan ölüb
- Yəməndə 7 “Əl-Qaidə“ üzvü öldürüldü
- Yəməndə vəba epidemiyası - 115 nəfər öldü
- Yəməndə bazar bombalanıb - 22 ölü
- Yəməndə 3 amerikalı hərbçi ölüb