İsveçdə nümayiş: 23 nəfər həbs edildi
19:07 01 Oktyabr 2017
İsveçin ikinci böyük şəhəri Qöteburqun hüquq-mühafizə orqanları tərəfindən neonasistlərin və onların əleyhdarlarının şənbə günü keçirilən nümayişindən sonra 23 nəfər həbs edilib.
Bu barədə İsveç Prokurorluğunun mətbuata açıqlamasında bildirilir.
Qeyd olunur ki, Qöteburqun növbətçi prokuroru şənbə və bazar gününə keçən gecə ərzində zorakılıqlarla müşahidə olunan kütləvi qarışıqlıqlar törətməkdə şübhəli bilinən 23 nəfərin həbsi barədə qərar qəbul edib.
Prokurorluq həbs edilən fəalların hansı siyasi qrupa aid olduğunu açıqlamayıb. Bildirilir ki, onların 22-si kişi, 1-i qadındır. Həbs edilənlər 20-50 yaşlı insanlardır. Onların əksəriyyəti - 21 nəfəri İsveç, 2-i şimali Avropa ölkələrinin vətəndaşlarıdır.
Təxminən 600-700 nəfərin iştirak etdiyi "Şimali Avropa Müqavimət Hərəkatı" neonasist təşkilatının nümayişi şəhər mərkəzi üzrə, bir neçə yüz metrlik marş kimi planlaşdırılıb. Ancaq neonasistlər bir neçə min fəal yığmış rəqiblərinə - sol radikal qrupların nümayəndələrinə görə yerlərindən tərpənə bilməyiblər.
Femida.az
Oxunub: 851
Oxşar xəbərlər
- İsveçdə polis avtomobili partladıldı
- İsveçdə iki məscidə hücum edilib
- İsveçdə sinaqoq hücuma məruz qalıb
- İsveçdə gecə klubunda güclü PARTLAYIŞ
- İsveçdə məscid yandırılıb
- İsveçdə maskalı şəxslər polisi daşa basdı
- İsveçdə terror törədən özbək imiş
- İsveçdə terroru bu şəxs törədib - FOTO
- İsveçdə miqrantlar kütləvi iğtişaşlar törədib
- İsveçdə azərbaycanlılar ayağa qalxdı