Millət vəkilləri Rusiyaya gedir
21:33 26 Noyabr 2017
Milli Məclisin deputatları Rüfət Quliyev və Adil Əliyev Müstəqil Dövlətlər Birliyi Parlamentlərarası Assambleyasının komissiya iclaslarında iştirak etmək üçün noyabrın 27-də Rusiya Federasiyasının Sankt-Peterburq şəhərinə səfər edəcəklər.
Parlamentin mətbuat xidmətindən Femida.az-a verilən məlumata görə, siyasi məsələlər və beynəlxalq əməkdaşlıq komissiyasında Suriyada baş verən münaqişənin tənzimlənməsi ilə bağlı Astana danışıqları, Parlamentlərarası İttifaqın 137-ci Assambleyasının nəticələri, MDB PA-ya üzv ölkələrin milli parlamentlərinin ATƏT Parlament Assambleyasının illik sessiyasında iştirakı, BMT-nin nüvə təhlükəsizliyi ilə bağlı təşəbbüsü, Avropadakı miqrasiya böhranının MDB məkanına təsiri, Qırğızıstanda prezident, Qazaxıstan və Ermənistanda parlament seçkilərinin monitorinqi barədə məsələlərə baxılacaq.
Müdafiə və təhlükəsizlik komissiyasının iclasında isə sərhəd təhlükəsizliyinin pozulmasına görə məsuliyyətin tənzimlənməsi ilə bağlı qanunvericiliyin təkmilləşdirilməsi, “Mülki müdafiə haqqında”, “Könüllü yanğından mühafizə haqqında” model qanun layihələrinə dair müzakirələr aparılacaq.
Femida.az
Oxunub: 1148
Oxşar xəbərlər
- Millət vəkili Avropada zorakılıqdan danışdı
- Millət vəkili NATO PA-nın seminarına qatılacaq
- Millət vəkilimiz köçkün türkmanlarla görüşdü
- Millət vəkili dünyanı etiraza səslədi
- Millət vəkilindən banklara ittiham: `İnsanları aldadırlar`
- Millət vəkilləri Lənkəranskinin 40 mərasimində (FOTO)
- Millət vəkili çağırışı etdi - Qarabağla bağlı
- Millət vəkili prezidentlə görüşdü
- Millət vəkili seçiciləri ilə görüşüb
- Millət vəkili prezidentlə görüşdü
