İspaniyada taksi sürücüləri tətil keçirir

02:48     30 Noyabr 2017

İspaniyanın paytaxtı Madriddə taksi sürücüləri birgünlük tətil keçirir.

Femida.az xəbər verir ki, bu qərar məhkəmənin "Uber" və "Cabify" onlayn taksi xidmətlərinə yeni lisenziyaların verilməsi qərarına etiraz olaraq qəbul edilib.

Yeni məhkəmə qərarına əsasən, onlayn xidmətlər göstərən şirkətlər adi taksilərlə müqayisədə avtomobillərin sayını artıracaq.

Taksi sürücüləri bu addımın rəqabət qaydalarını pozduğunu bildirir.

24 saat davam edən tətil müddətində taksi sürücüləri yalnız xəstəxanalara gedən müştərilərə xidmət göstərəcək.

Femida.az

Açar sözlər:

Oxunub: 597