Azərbaycanda dərman istehsalına başlanılıb
16:50 02 Fevral 2018
Fevralın 2-də Analitik Ekspertiza Mərkəzində Səhiyyə Nazirliyinin Kollegiyasının 11 yanvar 2018- ci il 1 nömrəli qərarına əsasən "Dərman vasitələrinin topdansatışına dair tələblər", "Aptek təşkilatlarına dair tələblər və aptek təşkilatlarında dərman vasitələrinin buraxılması Qaydaları"nın təsdiqinə dair brifinq keçirilib.
Femida.az məlumat verir ki, tədbirdə çıxış edən mərkəzin farmakonəzarət sektorunun müdiri Elmin Quliyev toplantının əsas məqsədinin əczaçılıq sahəsində olan yenilikləri müzakirə etmək və bu barədə ictimaiyyəti maarifləndirmək olduğunu bildirib.
Bildirilib ki, topdansatış müəssisələrində işləyən əczaçılar beş ildə bir dəfədən az olmayaraq ixtisasartırma və kadrların hazırlığı müəssisələrində müəyyən proqram üzrə təhsil almalıdırlar.
Bundan əlavə topdansatış müəssisəsində keyfiyyətin idarə edilməsinə ayrılan məsul şəxsin əczaçılıq ixtisası üzrə təhsili, həmçinin etibarlı distribüter təcrübəsinə dair lazımi bilik və təcrübəsi olmalıdır.
Qeyd olunub ki, bir neçə ölkənin dərman istehsalçıları ilə birgə Azərbaycanda müəssisələr yaradılıb. Azərbaycanda artıq yerli dərman istehsalına başlanılıb.
P. Əzizbəyov bildirib ki, Azərbaycanda istehsal olunacaq dərmanlar müxtəlif qruplara aid olacaq.
Səhiyyə Nazirliyinin Kollegiyasının təsdiq etdiyi və yanvarın 23-dən qüvvəyə minən "Aptek təşkilatlarına dair tələblər və aptek təşkilatlarından dərman vasitələrinin buraxılması qaydaları” barədə də danışan P. Əzizbəyov qeyd edib ki, apteklərdə çalışan əczaçılar mütləq ağ xalat geyinməlidirlər.
Femida.az
Oxunub: 820
Oxşar xəbərlər
- Ulu öndər Heydər Əliyev tarixdə və azərbaycanlıların qəlbində əbədi olaraq qalacaq
- Ukrayna ordusunun daha bir azərbaycanlı hərbçisi həlak olub
- Ərdoğan Azərbaycana gəlir
- Azərbaycan Ordusunun mövqeləri atəşə tutulub
- Azərbaycan Mərkəzi Bankı əhaliyə xəbərdarlıq edib
- XİN Azərbaycanın hərbi cinayətlərdə ittiham olunmasına münasibət bildirib
- Azərbaycanda hərbi xidmətə növbəti çağırış başlayıb
- Azərbaycan Prezidenti Bolqarıstana rəsmi səfərə gedib
- Azərbaycan XİN: "Ermənistan bölgədə vəziyyəti gərginləşdirmək istəyir"
- ABŞ səfirliyi Anım Günü ilə bağlı Azərbaycana başsağlığı verib