Teleqüllə yaxınlığında 12 metr dərinliyində çatlar yaranıb - SON VƏZİYYƏT
16:12 12 Fevral 2018
Bayıl yamacındakı sürüşmə aktiv fazadadır. Sürüşmə sahəsində 30 metr uzunluğunda, 12 metr dərinliyində çatlar yaranıb.
Bunu Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin geoloji planlama ekspedisiyasının rəisi Əziz Qaralov deyib.
O bildirib ki, sürüşmənin baş verdiyi ərazi tez doyan, qumlu-gilli süxurlardan ibarətdir: "Yamacın 45 dərəcəyə qədər meylliliyi var. Layların yatımı yamacın yatımı ilə eyni istiqamətdədir. Bu isə ərazinin sürüşməyə məruz qalmasını stimullaşdırır. Yamac da kəsildikdə proses sürətlənir".
Ə. Qaralovun sözlərinə görə, sürüşmə prosesinin dayandığını söyləmək olmaz: "Kütlə tam yerinə oturmalıdır ki, proses dayansın".
Ekspedisiya rəisi qeyd edib ki, Bayıl yamacında sürüşmə ərazisi 6,9 hektar ərazini əhatə edir: "Təhlükəli ərazinin konturları daxilində olan evlərin sayı 106-dır. 90-a yaxın evin sakinləri isə köçürülüb".
Qeyd edək ki, "Teleqüllə" sürüşmə sahəsi - Teleqüllədən 200-250 m cənub-şərqdə yerləşir.
Femida.az
Oxunub: 1371
Oxşar xəbərlər
- Kiyevdə teleqüllə vurulub, ölənlər və yaralananlar var
- Ankara teleqülləsi Azərbaycan bayrağının rənglərinə boyandı
- Teleqüllə ətrafında yeni təhlükə
- Bakıda yeni teleqüllə istifadəyə verilib
- “Teleqüllə” sürüşməsi və “Buxta küçəsi”ndəki vəziyyəti açıqlandı
- "Teleqüllə"nin ətrafında vəziyyət nə yerdədir? - SON MƏLUMAT
- Teleqülləyə ildırım düşdü (VİDEO)
- Teleqüllə yaxınlığında yeni cihazlar quraşdırılacaq
- "Teleqüllə"nin ətrafındakı sürüşmə ilə bağlı SON XƏBƏR
- " Teleqüllə "nin ətrafında vəziyyət nə yerdədir? - SON MƏLUMAT