Keçmiş işçisi məhkəmədə “Azərsun”u uddu
21:54 14 Fevral 2018
Ölkənin ən böyük şirkətlərindən olan “Azərsun”u məhkəməyə verən keçmiş işçisi qalib gəlib.
Femida.az xəbər verir ki, bu barədə məlumatı Foodinfo.az saytı yayıb. Məlumatda bildirilib ki, Sun Food MMC-dəki vəzifəsindən azad olunan şəxs şirkəti məhkəməyə verib.
Nərimanov Rayon Məhkəməsinə müraciət edən Emil Cəbiyev işə bərpa olunmasını tələb edib. Məhkəmə keçmiş işçinin iddiasını təmin edib və onun işə bərpa olunması barədə qərar qəbul edib.
Sun Food MMC məhkəmə qərarından apellyasiya şikayəti verib. Şikayətə Bakı Apellyasiya Məhkəməsində baxılacaq.
Xatırladaq ki, “Sun Food” “Azərsun Holdinq”ə daxil olan şirkətlərdən biridir. 1991-ci ildə Azərbaycanda fəaliyyətə başlayan “Azərsun Holdinq” qida istehsalı, pərakəndə satış və kənd təsərrüfatı sahəsində fəaliyyət göstərən ölkənin qabaqcıl şirkətlər qrupudur.
Oxunub: 813
Oxşar xəbərlər
- Bakıda mənimsəmədə təqsirləndirilən qadının məhkəməsində şahid dindirilib
- Tərtərdə bacısını qətlə yetirməkdə təqsirləndirilən şəxsin məhkəməsi başlayır
- Tanışını öldürməyə cəhddə təqsirləndirilən şəxsin məhkəməsi başlayır
- Bakıda dələduzluqda təqsirləndirilən şəxs məhkəmə zalında həbs edilib
- Məhkəmə hakimlərinə məzuniyyətə çıxarkən verilən pul vəsaiti azaldılıb
- Konstitusiya Məhkəməsi sədrinin maaşı 1075 manat artırılıb
- Azərbaycanda məhkəmə hakimlərinin maaşı artırılıb
- Gəncədə tanışını qətlə yetirməkdə təqsirləndirilən şəxsin məhkəməsi başlayır
- Mixeil Saakaşvilinin məhkəməsi yenidən təxirə salınıb
- Bakıda 9 il əvvəl qətl törətməkdə təqsirləndirilən şəxsin cinayət işi məhkəməyə göndərilib
