Azay Quliyevin namizədliyi irəli sürüldü
04:52 17 Sentyabr 2015
Bu gün 8 saylı Binəqədi birinci seçki dairəsi ərazisində yaşayan elm xadimləri, gənclər, QHT təmsilçiləri, Qarabağ qaziləri və veteranları, media mənsubları və digərləri 01 noyabr 2015-ci il tarixdə Azərbaycan Respublikasının Milli Məclisinə keçiriləcək seçkidə Azay Quliyevin namizədliyinin irəli sürülməsi ilə əlaqədar “Seçicilərin Təşəbbüs Qrupu”nu yaradıblar.
Təşəbbüs Qrupunda təmsil olunan ziyalılar və ictimaiyyət nümayəndələri çıxış edərək Azay Quliyevin deputatlığa namizədliyini dəstəkləyərək onun ötən on ildə uğurlu deputatlıq fəaliyyəti, ölkənin ictimai-siyasi həyatında yaxından iştirakı, Azərbaycanın milli maraqlarının beynəlxalq aləmdə müdafiəsi istiqamətində gördüyü işlərdən danışıblar.
İclasda çıxış edən millət vəkili Azay Quliyev TQ-nun üzvlərinə təşəkkürünü bildirib və göstərilən etimadı doğrultmaq üçün bütün gücü ilə çalışacağını deyib. Millət vəkili vəzifəsinin böyük məsuliyyət olduğunu bildirən A.Quliyev növbəti dəfə seçicilərin etimadını qazanacağı halda indiyədək olduğu kimi bundan sonra da yalnız bu tribunadan vətəndaşların hüquq və mənafelərinin qorunması, milli maraqlarımızın təminatına və ölkəmizin inkişafına töhfə vermək üçün istifadə edəcəyini vurğulayıb.
Toplantıda Azay Quliyevin dəstəkləmək üçün yaradılan təşəbbüs qrupunun adının “Gələcəyə inamla” olması yekdilliklə qəbul edilib. Daha sonra müvafiq sənədlərin DSK-ya təqdim olunması üçün səlahiyyətli nümayəndələr seçilib.
Oxunub: 1157
Oxşar xəbərlər
- Azay Quliyev Moskvaya gedir - Nümayəndə heyəti ilə birgə
- Azay Quliyevdən təklif: Səfirliklərimizin maliyyə problemi var
- Azay Quliyev `Azadlıq` qəzetinə cavab verdi
- Azay Quliyev Astanaya gedəcək
- Azay Quliyev Türkiyəyə gedir
- Azay Quliyev Berlinə gedir
- Azay Quliyev Sülh Platforması ilə bağlı çağırış etdi
- Azay Quliyev seçiciləri ilə görüşdü - FOTOLAR
- Azay Quliyev prezidentlə görüşdü
- Azay Quliyev Monteneqroda seçkiləri izləyəcək