“Nyu-York Times” aprel döyüşləri ilə bağlı gizlinləri yayıb

22:47     19 May 2018

“Oliqarxlar xalqa illər ərzində bu ideyanı yeritməyə çalışıblar ki, kasıblıq və pis yollar güclü ordu quruculuğu yolunda verilməli olan qurbanlardandır. 4 günlük döyüşlərdə ərazi itirdik. O zaman əsgərlərin ən sadə məmulatlar, güllələr və tibbi ləvazimatlardan yoxluq çəkdiyinə dair xəbərlər yayıldı. Bununla anladıq ki, orduya göndərildiyini güman etdiyimiz hər şeyi hökumət yeyib”.

Femida.az Ordu.az-a istinadən xəbər verir ki, Ermənistandakı aksiyalarda iştirak edən, kiçik start-up kompaniyası olan “Inomma”nın keyfiyyətə nəzarət mühəndisi olan, 26 yaşlı rəqəmsal marketinq mütəxəssisi Armine Hakobyanın “Nyu-York Times” qəzetinə verdiyi müsahibədən maraqlı hissələri təqdim edir:

“Ermənistanın bu vəziyyətdə qalacağı təqdirdə 18 aylıq oğlumun gələcək həyatının necə olacağı barədə düşünürəm. Bu proseslər bu küçələrdən başlamayıb. Bu elə bir şeydir ki, öncə beyninizdə baş verir. Anlayırsız ki, gələcəyinizin qayğısına özünüz qalmalısınız.

Texnologiya sektoru Ermənistanda müəyyən qədər oliqarxiyadan azad sahədir. Ermənistan monopoliyaların vətənidir. Hökumət müxtəlif bizneslərə özəl nəzarətə sahibdir. Lakin ənənəvi güclərin texnologiya sektoruna da təzyiq etmək üçün bir sıra yolları var. Üstəlik gənclər arasında qəzəb və məmnuniyyətsizlik illər ərzində toplanıb.

Əksər etirazçılar, qonşu Azərbaycanla iki öl öncə baş vermiş aprel döyüşlərini dönüş nöqtəsi kimi qəbul edir. Bu döyüş Qarabağın dağlıq anklavı üzərində davam edən mübahisə ilə bağlı ən sonuncu paraqrafdır.

Oliqarxlar xalqa illər ərzində bu ideyanı yeritməyə çalışıblar ki, kasıblıq və pis yollar güclü ordu quruculuğu yolunda verilməli olan qurbanlardandır. 4 günlük döyüşlərdə ərazi itirdik. O zaman əsgərlərin ən sadə məmulatlar, güllələr və tibbi ləvazimatlardan yoxluq çəkdiyinə dair xəbərlər yayıldı.

Bununla anladıq ki, orduya göndərildiyini güman etdiyimiz hər şeyi hökumət yeyib”.

Açar sözlər: #Qarabağ   #Aprel_döyüşləri   #Ordu   #Ermənistan   #Azərbaycan  

Oxunub: 11576