Vəkil adından qanunsuz istifadə edənlər aşkarlandı - FOTO
20:45 09 Avqust 2018
Ölkəmizdə vətəndaşların yüksək keyfiyyətli hüquqi yardım almaq hüququnun həyata keçirilməsi, insan hüquq və azadlıqlarının etibarlı müdafiəsi üçün vəkillik təsisatının nüfuzunun artırılması istiqamətində tədbirlər davam etdirilməkdədir.
Femida.az xəbər verir ki, son zamanlar aparılan müşahidələr, o cümlədən Vəkillər Kollegiyasının Rəyasət Heyətinə daxil olan çoxsaylı şikayətlər nəticəsində bir çox fiziki və hüquqi şəxslər tərəfindən vəkil adından qanunsuz istifadə halları aşkarlanmışdır. Belə hallar vətəndaşlarımızın və digər şəxslərin keyfiyyətli hüquqi yardım almasına maneçilik törətməklə bərabər, vəkilliyin nüfuzuna mənfi təsir göstərməkdədir. Qeyd olunan problemin həlli, habelə vəkil adından qanunsuz istifadə hallarının qarşısının alınması ilə bağlı Vəkillər Kollegiyası Rəyasət Heyətinin Aparatı və Vəkillərin İntizam Komissiyası tərəfindən mübarizə üzrə tədbirlər davam etdirilməkdədir.
Qeyd olunanlar ilə bağlı, bu günlərdə Yasamal rayonu (“Nizami” metro stansiyası ətrafında), Xətayi rayonu (“Həzi Aslanov” metro stansiyası yaxınlığında), Nəsimi rayonu (Nəsimi Rayon Məhkəməsi ətrafında) ərazilərində Vəkillər Kollegiyasının üzvləri olmayan şəxslər tərəfindən qeyri-yaşayış obyektlərində vətəndaşlara “vəkil xidmətləri” göstərilməsi halları aşkar olunmuşdur. Görülmüş tədbirlər nəticəsində həmin obyektlərin sahibləri ilə söhbətlər aparılmış, bu kimi fəaliyyətlərin Azərbaycan Respublikası Cinayət Məcəlləsinin 197-ci, İnzibati Xətalar Məcəlləsinin 399 və 412-ci maddələri ilə təqib olunduğu həmin şəxslərin diqqətinə çatdırılmışdır. Nəticədə qanun pozuntusuna yol vermiş şəxslər tərəfindən qanunsuz vəkillik fəaliyyəti dayandırılaraq obyektlərin qarşısında istifadə olunan “vəkil”, “advokat” və s. aidiyyəti reklam lövhələri həmin şəxslər tərəfindən sökülmüşdür.
Vəkillər Kollegiyasının Rəyasət Heyəti bildirir ki, bu kimi tədbirləri bundan sonra da davam etdiriləcək və vəkil adından qanunsuz istifadə halları ilə qətiyyətlə mübarizə aparılacaqdır.
Bununla bağlı, vətəndaşlardan və Vəkillər Kollegiyasının üzvlərindən xahiş olunur ki, Vəkillər Kollegiyasının rəsmi veb-səhifəsində yerləşdirilmiş "Vəkillərin reyestri" bölməsi və ya Vəkillər Kollegiyası Rəyasət Heyəti ilə əlaqə saxlayaraq hüquqi xidmət təklif edən şəxsin Vəkillər Kollegiyasının üzvü olub-olmamasını dəqiqləşdirsinlər, qanunsuz olaraq vəkil adından istifadə edilməsi halında isə aşağıda qeyd olunan “Qaynar xətt”ə zəng edərək bu barədə məlumat versinlər.
Qaynar xətt: +994 12 594 08 70
Femida.az
Oxunub: 894
Oxşar xəbərlər
- Vəkillər "İdeal”ın həbsdə olan keçmiş rəhbərinə bəraət istəyiblər
- Vəkil Ramiz Göyüşovun məhkəməyə gəlməsini tələb edib
- Vəkillər Kollegiyasının sədr müavininə ağır itki üz verib
- Vəkil olmaq istəyənlər üçün imtahan başa çatıb
- Vəkilə təzyiq göstərilməsi iddiaları araşdırılır"- DİN
- Vəkillər HELP Tədris Proqramı üzrə təlim kursunu başa vurdu
- Vəkillərin cərimələnməsini nəzərdə tutan qanun layihəsi müzakirə edilib
- Vəkillər Kollegiyası üçün yeni bina ayrıldı
- Vəkillər Sabirabadda şəhid ailələri və qazilərə pulsuz hüquqi yardım göstərdi
- Vəkillər Kollegiyası şəhid jurnalistlərlə bağlı 230 beynəlxalq təşkilata müraciət edib