500 ailənin yaşadığı qəsəbədə iki raket tapılıb
09:26 30 Oktyabr 2018
Oktyabrın 29-da saat 15:33-də Daxili İşlər Nazirliyinin “102” Xidməti-Zəng mərkəzi sistemindən və saat 15:54-də Fövqəladə Hallar Nazirliyinin Böhran Vəziyyətlərində İdarəetmə mərkəzindən Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Xocavənd rayonunda 500 ailəlik qəsəbə ərazisində partlamamış hərbi sursatın tapılması barədə məlumatlar daxil olub.
ANAMA-dan Femida.az-a verilən məlumata görə, agentliyin xüsusi mobil çevik əməliyyat qrupu və Xocavənd Rayon Polis Şöbəsinin əməkdaşları dərhal həmin əraziyə göndərilib.
Agentliyin mütəxəssisləri və polis əməkdaşları ərazidə su kanalının yaxınlığına baxış keçiriblər. Aparılan təxirəsalınmaz operativ əməliyyat-axtarış tədbirləri nəticəsində Agentliyin mütəxəssisləri tərəfindən iki ədəd “PQ-7S” raketi aşkarlanıb. Həmin silahlar zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb.
Raketlərin tapıldığı yerin ətrafında 500 kvadratmetr əraziyə yerüstü baxış keçirilib, əlavə təhlükəli əşya və qurğu aşkarlanmayıb.
Ümumilikdə Agentlik tərəfindən yanvarın 1-dən oktyabrın 29-dək Ağdam, Ağcabədi, Ağstafa, Astara, Abşeron, Daşkəsən, Beyləqan, Biləsuvar, Bərdə, Cəlilabad, Füzuli, Tərtər, Tovuz, Qazax, Qax, Qaradağ, Naftalan, Goranboy, Göygöl, Yevlax, Xızı, Xocavənd, Şəmkir, Salyan, İsmayıllı, Lənkəran rayonları, Bakı, Gəncə və Sumqayıt şəhərləri ərazisində keçirilən baxış zamanı 5250 ədəd partlamamış hərbi sursat, bir silah, piyada əleyhinə iki, tank əleyhinə on mina və 73 kiloqram partlayıcı maddə (ammonit № 6 JV-200) aşkarlanaraq zərərsizləşdirilib, 393 min 203 kvadratmetr ərazi yoxlanılıb.
Femida.az
Oxunub: 428
Oxşar xəbərlər
- 500-dən çox bal toplayan 9 nəfər ali məktəbə qəbul olmadı
- 500-dən çox adam qan verdi
- 500 uşaq bağçasında audit və monitorinq keçirilib
- 500 əlilin biznes qurmasına dəstək veriləcək
- 500 nəfərə birdəfəlik maddi yardım
- 500-ə yaxın Azərbaycan vətəndaşı Gürcüstana buraxılmayıb
- 500-ə yaxın müharibə əlili və şəhid ailəsinə mənzil veriləcək - ŞAD XƏBƏR
- 500-ə yaxın dövlət əmlakı özəlləşdirilib
- 500-ə yaxın miqrant xilas edilib
- 500 vəzifə yeri üçün müsabiqə elan edildi