10 ayda Azərbaycana 2.4 milyon turist gəlib
17:52 20 Noyabr 2018
2018-ci ilin yanvar-oktyabr aylarında Asiya və Yaxın Şərq ölkələrindən Azərbaycana gələn turistlərin sayında böyük artım müşahidə olunur.
Dövlət Turizm Agentliyindən Femida.az-a verilən məlumata görə, 2018-ci ilin yanvar-oktyabr aylarında Yaxın Şərq ölkələrindən gələn turistlərin sayı 330 min olub, bununla da ötən ilin eyni dövrü ilə müqayisədə 42% artım baş verib. Bu regiondan daha çox turist Səudiyyə Ərəbistanı, İsrail və Küveytdən gəlib.
Yanvar-oktyabr ayları ərzində Azərbaycana gələnlər arasında Rusiya vətəndaşları 752 min turistlə birinci yerdə durur. Rusiyalı turistlər 2017-ci ilin eyni ayları ilə müqayisədə 3,3% artaraq Azərbaycana gələn bütün xarici vətəndaşların 31%-ni təşkil edir.
Bu dövrün statistikası ilə əlaqədar ən maraqlı fakt Hindistan və Pakistandan gələnlərin sayının müvafiq olaraq 183% və 149% artmasıdır.
10 ay ərzində ölkəyə daxil olan turistlərin ümumi artım tempi 6,1% olub, sayı isə 2,277 milyondan 2,416 milyona çatıb.
Femida.az
Oxunub: 544
Oxşar xəbərlər
- DTA əməkdaşları “Yaşıl Marafon” kampaniyasına qoşulub
- Qubadlının turizm potensialı - FOTOLAR
- AQTA və DTA ictimai iaşə obyektlərində nöqsanlar aşkarladı
- Dövlət Agentliyi Lənkəranda Destinasiya Menecmenti Təşkilatını təqdim etdi
- "Bakıda bir sıra hotellər karantin üçün istifadə olunur" - DTA sədri
- DTA vətəndaşlara xəbərdarlıq etdi
- Azərbaycanda hotellərə ulduzların verilməsi qaydaları açıqlanıb
- DTA sədrindən turizm ictimaiyyətinə MÜRACİƏT
- Sürətlə böyüyən Azərbaycan turizmi: Böyük potensial və istifadə imkanları
- Bu il Qərb ölkələrindən Azərbaycana nə qədər tuist gəlib? - Rəsmi STATİSTİKA