Ramiz Mehdiyev Rusiyada səfərdədir
12:11 21 Noyabr 2018
Azərbaycan Prezidenti Administrasiyasının rəhbəri, akademik Ramiz Mehdiyev Rusiyada səfərdədir.
Femida.az xəbər verir ki, səfərdə məqsəd MDB-yə üzv dövlətlərin təhlükəsizlik şuraları katiblərinin VI iclasında iştirak etməkdir.
Görüşdə nümayəndə heyətlərinin başçıları MDB məkanında milli və beynəlxalq təhlükəsizliyin təminatını, təşkilata üzv ölkələrin Antiterror mərkəzlərinin fəaliyyətini, radikal təmayüllü dini cərəyanların yayılmasına qarşı mübarizə məsələlərini müzakirə edirlər.
MDB-yə üzv dövlətlərin təhlükəsizlik şuralarının katibləri təşkilat ölkələrinin vahid epidemioloji məkanı ərazisində birgə fəaliyyət mexanizmini, hibrid müharibələrində informasiya amilini də nəzərdən keçirirlər.
Görüşdə, həmçinin Əfqanıstandakı hərbi-siyasi vəziyyət, Mərkəzi Asiya regionu dövlətlərinin təhlükəsizliyinin təmin edilməsi ilə bağlı tədbirləri nəzərdən keçirmək planlaşdırılır.
Görüşdə terror təşkilatlarının maliyyələşdirilməsinin, o cümlədən cinayət yolu əldə edilən gəlirin leqallaşdırılmasının qarşısının alınması istiqamətində birgə fəaliyyətə dair məsələlər də müzakirə olunur.
Oxunub: 368
Oxşar xəbərlər
- Ramiz Mehdiyevin qohumu 30 sutka müddətinə həbs edilib
- Ramiz Mehdiyev istefa verib
- Ramiz Göyüşovu şantaj etməkdə təqsirləndirilən sayt rəhbərinə hökm oxunub
- Ramiz Mehdiyev və Hacıbala Abutalıbovun məhkəmədə dindirilməsi istənilib
- Ramiz Göyüşov YAP-dan çıxarılıb
- Ramiz Əzizbəyli vəfat edib
- Ramiz Məmmədov vəfat edib
- Ramiz Həsənov nazir müavini vəzifəsindən azad edildi - Səfir təyin edildi
- Ramiz Məmmədov sabah dəfn ediləcək
- Ramiz Mehdiyevin həyat yoldaşına qarşı iddia üzrə məhkəmə prosesi keçirilib