Nə görür, nə yeriyə bilir - Zirzəmidə yatan kimsəsiz acdır (FOTO + VİDEO)
16:06 18 Dekabr 2018
Ağsu şəhər sakini Osmanov Orxan saytımıza müraciət edərək rayonda acınacaqlı vəziyyətdə yaşayan şəxs barədə məlumat verib.
Femida.az-ın xəbərinə görə, Baxışov Niyazi Baxış oğlu şəhərin mərkəzi parkında yaşayır. Özünün bildirdiyinə görə, soyuqdan qorunmaq üçün parkın beton zirzəmisində yatır, normal qidalana bilmir. Yatdığı yerdə heç bir qızdırıcı yoxdur və içəri nəmişlikdir, üfunətli iy gəlir. N.Baxışov antisanitar vəziyyətdə yaşayır.
Femida.az sözügedən vətəndaşın yaşadığı şəraitlə bağlı videonu təqdim edir:
Vətəndaş dövlətdən yardım istəyib:
“Aidiyyatı orqanlardan kömək istəyirəm. Məni sığınacağa aparsınlar, heç olmasa bu soyuq qış aylardında isti yerdə yatmaq istəyirəm. Bəzən içib gəlirlər, burada belə məni yatmağa qoymurlar. Quru yerdə yatırdım. Bir kişi döşək verdi, sağ olsun. Kimsə pul versə, mağazadan bir şey alıb yeyirəm, olmayanda ac qalıram”.
Osmanov Orxanın bildirdiyinə görə, şəxsin görmə qabiliyyətində də problem var. Gözləri anadangəlmə qüsurludur. Eyni zamanda yeriməkdə də çətinlik çəkir, şikəstdir. Elə bu problemlərə görə bir neçə dəfə maşın vurub.
Həyatda yeganə yaxını qardaşıdır. Lakin qardaşı ona baxmaqdan imtina edib.
Femida.az məsələ ilə bağlı Əmək və Əhalinin Sosial Müdafiəsi Nazirliyinə mövcud durumla bağlı məlumat verib.
Amin Nəzərli
Femida.az
Oxunub: 2856
Oxşar xəbərlər
- DİN Ağsu sakininin polis zorakılığına məruz qalması barədə iddialara münasibət bildirib
- Ağsuda 59 yaşlı qadın itkin düşüb
- Ağsuda "məktəbdə bomba var” deyən şəxsə cinayət işi başlanılıb
- Ağsuda 5 il əvvəlki qətlə görə tutulanların sayı 3-ə çatıb
- Ağsuda 5 il əvvəlki qətlə görə tutulanların sayı 3-ə çatıb
- Ağsuda fermada çoban qardaşını bıçaqlayıb
- Ağsuda keçmiş məhkumdan “Kalaşnikov” avtomatı və narkotik vasitə aşkarlanıb
- Ağsuda 65 yaşlı kişini avtomobil vurub
- Ağsu sakini intihar edib
- Ağsuda avtomobillər toqquşub, xəsarət alanlar var