Mobil telefonlar zəlzələ barədə xəbərdarlıq edəcək - Yenilik
10:21 05 Yanvar 2019
Los-Anceles dairəsində "Apple” və "Android” istifadəçiləri üçün zəlzələ barədə xəbərdarlıq edən ilk mobil əlavəni yükləmək mümkündür. Məlumdur ki, Kaliforniya ştatı ABŞ-ın fəal seysmik regionudur və bu mobil əlavə yüzlərlə insanın həyatını xilas edə bilər.
Femida.az AZƏRTAC-a istinadən xəbər verir ki, Los-Anceles şəhərinin meri Erik Qarsettinin rəhbərliyi ilə yaradılan "ShakeAlertLA” adlı mobil əlavə ABŞ-ın Geoloji Xidməti tərəfindən işlənib hazırlanan zəlzələlər barədə bildiriş sisteminin fəaliyyəti üçün nəzərdə tutulub. İlkin xəbərdarlıq funksiyası hələ ki, Los-Anceles dairəsi üçün nəzərdə tutulub. "ShakeAlertLA” mobil əlavəsini yükləyəndən sonra istifadəçilər bildirişi və telefonun coğrafi mövqeyinin müəyyən edilməsini qoşmalıdırlar ki, Los-Anceles dairəsində 5 baldan yuxarı zəlzələ baş verdiyi zaman proqram məlumatı ötürə bilsin. Amerika KİV-ləri xəbər verirlər ki, zəlzələ baş verdiyi təqdirdə mobil əlavə istifadəçiləri təbii fəlakətə 20 saniyə qalmış təcili bildiriş alacaqlar. Sözügedən mobil əlavənin müəllifi, "Caltech” şirkətinin seysmoloqu Tom Xiton deyib: "Biz zəlzələnin baş verməsini qabaqcadan deyə bilmərik, lakin hamını xəbərdar edə bilərik ki, artıq zəlzələ başlayıb və sizə tərəf gəlməkdədir”.
Mobil əlavədə, həmçinin zəlzələyə necə hazırlaşmaq barədə məsləhətlər də yer alıb. "ShakeAlertLA” mobil əlavəsi yeraltı təkanları qeydə alan xüsusi vericilərin əsasında işləyir, məlumatları təhlil edərək onları sistemə göndərir. Bu sistem vasitəsilə episentrdən uzaq məsafədə olan yerlərdə güclü silkələnmələr baş verməzdən əvvəl istifadəçilərə xəbərdarlıq edilir.
Ştatın administrasiyası sistemi bütün Kaliforniya üzrə tətbiq etməyi planlaşdırır. Bildiriş sisteminin onlayn rejimdə işləməsi üçün Kaliforniyada zəlzələni müəyyənetmə üzrə 615 stansiya fəaliyyət göstərir. Ümumilikdə isə ABŞ-ın Qərb sahilboyunda onların sayı 865-ə bərabərdir. Ştatın hakimiyyət orqanları bəyan ediblər ki, mobil bildiriş sisteminin tətbiqi və məlumatların ötürülməsində ləngimələrin aradan qaldırılması üçün daha 810 stansiya yaradılmalıdır. 2018-ci ildə Kaliforniyada layihənin həyata keçməsinə 15 milyon dollar ayrılıb.
Femida.az
Oxunub: 766
Oxşar xəbərlər
- Rusiya və Ermənistan müdafiə nazirləri arasında telefon danışığı olub
- "Nərmin işi"ndə şok detal: İlkinin telefonunda çılpaq videolara kim baxıb?
- Zakir Həsənov və Sergey Şoyqu arasında telefon danışığı olub
- Göyçayda məktəbli telefonu əlindən alındığı üçün intihar edib
- Ərdoğan Putin və Zelenski ilə telefonla danışacaq
- Azərbaycan və Qazaxıstan XİN başçıları arasında telefon danışığı olub
- ABŞ və Rusiya müdafiə nazirləri arasında telefon danışığı olub
- Türkiyə və İran XİN başçıları telefonla danışıb
- Zelenski və Conson arasında telefon danışığı olub
- Ərdoğanla Quterreş arasında telefon danışığı olub