Bakıda iyrənc şəraitdə bağırsaq emal edən müəssisə aşkarlandı - FOTOLAR
13:01 05 Noyabr 2019
Azərbaycan Qida Təhlükəsizliyi Agentliyinə (AQTA) daxil olan vətəndaş şikayəti əsasında Bakı şəhəri, Nizami rayonu, Keşlə qəsəbəsi, Davud Aslan küçəsi, ev 2 m ünvanında fiziki şəxs Ramazanov Qadir Sabir oğluna məxsus bağırsaq emalı müəssisəsində yoxlama keçirilib.
AQTA-dan Femida.az-a verilən məlumata görə, müəssisədə heyvan mənşəli məhsullar və xammalın sağlamlıq və mənşəyini müəyyən edən sənədlərin olmadığı aşkar olunub.
Yoxalama zamanı müəssisədə xırdabuynuzlu heyvanların bağırsağının ilkin emalı zamanı baytarlıq-sanitariya qaydalarının kobud şəkildə pozulduğu aşkarlanıb. Texnoloji proseslərdə temperatur rejiminə əməl edilmədiyi, məhsulların saxlanılması üçün soyuducu kameranın olmadığı müəyyən olunub.
Məlum olub ki, anbar sahəsi sistematik təmizlənmir. Bağırsaqların yuyulub-təmizlənmə, çeşidlənmə, duzlanma və qablaşdırılması, saxlanması bir sahədə həyata keçirilir. İstehsalat sahəsinə həşaratların daxil olmasının qarşısın almaq məqsədilə tədbirlər görülmür. İşçilərin xüsusi geyim forması yoxdur və tibbi müayinədən keçməyiblər.
Yoxlama zamanı məlum olub ki, məhsulların və xammalın normativ-texniki sənədlərə, eləcə də baytarlıq normativlərinin tələblərinə uyğun olmadan emalı aparılır. Müəyyən edilib ki, baytarlıq şəhadətnaməsi olmadan müəssisəyə bağırsaq qəbul edilir və daşınır.
Heyvan mənşəli məhsulların və xammalın tədarükü, saxlanması və satışı baytarlıq ekspertizasından keçirilmədən aparılır. Məlum olub ki, heyvan mənşəli məhsullar və xammalın yoluxucu xəstəliklərə görə sağlam təsərrüfatlardan qəbul ilə bağlı sənədləri yoxdur.
Bildirilib ki, aparılan yoxlamanın nəticəsi ilə bağlı olaraq qanunvericilik çərçivəsində müvafiq tədbirlər görüləcək.
Oxunub: 411
Oxşar xəbərlər
- Rusiyada 82 nəfər kəskin bağırsaq infeksiyasına yoluxub
- Yeni bağırsaq supermikrobu yayılır – Yalnız bu şəxslər qoruna biləcək
- İnsanın ölümü bağırsaqlarından başlayır — Sizi xilas edəcək RESEPT
- Uşağın bağırsaqlarından 64 ədəd maqnit çıxarıldı
- Bu əlamətlər varsa... - Bağırsaq xərçəngindən şübhələn
- Qadının daxili orqanından narkotik çıxdı
- Bağırsağından narkotik çıxdı
- Bağırsağında narkotik keçirmək istədi, gömrükdə yaxalandı
- Azərbaycana bağırsağında narkotik gətirdi
- Mahaçqalada bağırsaq infeksiyası - 360 nəfər xəstəxanaya yerləşdirildi