“Azərbaycanda dini münaqişə yoxdur” - Allahşükür Paşazadə
20:51 26 Noyabr 2015
Bu gün Qafqaz Müsəlmanları İdarəsinin (QMİ) sədri Şeyxüilslam Allahşükür Paşazadə İranın Azərbaycanda səfərdə olan təhsil naziri Əliəsgər Fanini qəbul edib.
Femida.az-ın məlumatına görə, qonaqları salamlayan A.Paşazadə İranla Azərbaycan arasında bütün sahələrdə yüksək əməkdaşlığın mövcud olduğunu vurğulayıb: "Hər iki ölkə tərəfindən mədəniyyətlər arasında dialoqun inkişaf etdirilməsi istiqamətində çox mühüm addımlar atılır".
Bu səfərin iki ölkə arasında əməkdaşlığın inkişafına mühüm töhfə verəcəyini deyən A.Paşazadə vurğulayıb ki, təhsil bizim üçün müqəddəsdir.
A.Paşazadə bildirib ki, Azərbaycan müstəqillik qazandıqdan sonra ölkədə bütün sahələr uğurla inkişaf edir.
QMİ sədri vurğulayıb ki, sovet dövründə Azərbaycanda yalnız 17 məscid olub, lakin müstəqillik qazandıqdan sonra məscidlərin sayı xeyli artıb: "Bu gün Azərbaycanda dini münaqişə yoxdur, ölkədə dinlər və təriqətlər arasında münasibətlər yüksək səviyyədədir".
A.Paşazadə bundan sonra da İran ilə Azərbaycan arasında əməkdaşlığın uğurla inkişaf edəcəyinə ümid etdiyini bildirib.
Səmimi qəbula görə təşəkkürün bildirən qonaq qeyd edib ki, İranla Azərbaycan arasında yüksək səviyyədə əməkdaşlıq qurulub: "Bu əməkdaşlığın qurulmasında din xadimlərinin də böyük rolu olub".
İranlı nazir bildirib ki, bu gün dünyada İslam dinini radikalizm kimi məsələlər təhdid edir və bu, İslamın əsl mahiyyətini, sülhsevər din olmasını təhlükə altında qoyur: "Bu gün İslam dünyasının vəhdətə ehtiyac var. Fikirayrılığı yaratmaq əvəzinə, birləşməyə daha böyük ehtiyac var".
Oxunub: 1015
Oxşar xəbərlər
- “Azərbaycanda bir yoxsul belə qalmayacaq” - Baş nazirin müavini
- “Azərbaycandakı təkanların İrandakı zəlzələ ilə əlaqəsi yoxdur”
- “Azərbaycanda dinlərarası dialoq mövcuddur” - Şeyx
- “Azərbaycanda əməkdaşlıq üçün imkanlar var” - Gürcüstan prezidenti
- “Azərbaycanda dini zəmində qarşıdurma olmayacaq“
- “Azərbaycandakı islahatları dəstəkləyirik“ - Malena Mard
- “Azərbaycanda vətəndaş-məmur münasibətləri...” - Ədliyyə naziri
- “Azərbaycanda məzhəblər arasında ayrı-seçkilik yoxdur” - Mübariz Qurbanlı
- “Azərbaycandakı tolerantlıq heç bir ölkədə yoxdur”-M.Salmanov
- “Azərbaycandakı seçkilər ABŞ üçün nümunə ola bilər”