Terrorda iştirak edənlər vətəndaşlığını itirəcək
19:03 04 Dekabr 2015
Azərbaycanda terrorda iştirak etmək, konstitusiya quruluşunun zorla dəyişdirilməsi hərəkətlərinin həyata keçirilməsi vətəndaşlığın itirilməsi ilə nəticələnəcək.
Femida.az-ın məlumatına görə, bununla bağlı "Azərbaycan Respublikasının vətəndaşlığı haqqında" qanuna əlavələr edilib.
Milli Məclisin bu gün keçirilən iclasında müzakirəyə çıxarılan əlavələr layihəsinə əsasən, Azərbaycan Respublikası vətəndaşlığının itirilməsi ilə bağlı 18-ci maddəyə yeni əlavələr (3-1, 3-2) edilib.
Əlavəyə görə, vətəndaş dini təhsil adı altında xarici dövlətdə hərbi təlim keçərsə, düşmənçilik zəminində dini məzhəbləri yayarsa, dini ayinlər adı altında xarici dövlətdə dini münaqişələrdə iştirak edərsə, həmin fəaliyyətə digər şəxsi cəlb edərsə, yaxud bu məqsədlə silahlı qrup yaradarsa, vətəndaşlıqdan məhrum ediləcək.
Müzakirələrdən sonra layihə səsverməyə qoyularaq qəbul edilib.
Oxunub: 1102
Oxşar xəbərlər
- Terrorda yaralananların sayı 119-a çatdı
- Terrorda ölən Dilbarənin meyiti Bakıya gətirildi
- Terrorda 5 diplomat öldü
- Terrorda yaralanan azərbaycanlılarla bağlı - Yeni xəbər
- Terrordan ziyan çəkənlərə medal veriləcək
- Terrorda ölənlər arasında azərbaycanlı yoxdur - Rəsmi
- Terrorda həlak olan bakılı qız dəfn olunub