“Taliban” İŞİD-in 65 üzvünü əfv edib
10:48 01 Noyabr 2021
“Taliban” Əfqanistanın Pakistanla sərhəddəki Nanqarhar vilayətində təslim olan İŞİD terror təşkilatının onlarla üzvünü əfv edib.
Bu barədə Femida.az xarici mətbuata istinadən xəbər verir.
Nanqarhar vilayətinin rəsmiləri İŞİD üzvü olan 65 nəfərin Kot ve Batkot rayonlarında qəbilə böyüklərinin vasitəçiliyi ilə kəşfiyyat bölmələrinə təslim olduğunu açıqlayıb.
Vilayətin səlahiyyətliləri təəssüfünü bildirən təşkilat üzvlərinin bağışlanmaları və onların yenidən silaha əl atacağı təqdirdə ən ağır şəkildə cəzalandırılacaqları barədə məlumat yayıblar.
Qeyd edək ki, İŞİD tərəfdarları Nanqarharda çoxsaylı hücumlar həyata keçirdikdən sonra “Taliban” bölgədə bu qruplaşmaya qarşı əməliyyatlarını gücləndirib.
Əfqanıstanın müxtəlif bölgələrində hücumlar həyata keçirən İŞİD-in oktyabrın 8-də cümə namazı zamanı Kunduz vilayətində, Sayed Abadda şiə məscidində törətdiyi partlayış nəticəsində 46 nəfər həlak olub, daha 143 nəfər yaralanıb.
Oxunub: 1698
Oxşar xəbərlər
- “Taliban” silahlıları ilə Türkmənistan sərhədçiləri arasında atışma olub
- “Taliban” qadınlarla bağlı yeni qadağalar qoyub
- “Taliban” Almaniya ilə diplomatik əlaqə qurmaq istəyir
- “Taliban” Pəncşirin daha 2 bölgəsini nəzarətə aldığını elan edib
- “Taliban” Kabil aeroportuna gedən yolu bağlayıb
- “Taliban”: “31 avqust ABŞ-ın Əfqanıstandan çıxması üçün son tarixdir”
- “Taliban” aksiyaçılara atəş açıb, ölənlər var
- “Taliban”a qoşulan azərbaycanlılar həbs edildi - VİDEO
- “Taliban” ABŞ vertolyotunu vurdu - 2 hərbçi öldü
- “Taliban”la ABŞ arasında razılıq əldə olunub