Sərnişin stansiyasında Novruz şənliyi
22:49 21 Mart 2016
Bayram günlərində ölkə vətəndaşları dəmir yolunun xidmətlərindən daha çox istifadə edirlər. Ona görə də Beynəlxalq Novruz Bayramı günlərində - 20-27 mart 2016-cı il tarixlərində "Azərbaycan Dəmir Yolları" Qapalı Səhmdar Cəmiyyətinin müəssisə və stansiyalarında fasiləsiz iş rejimi təşkil edilir.
QSC-nin mətbuat xidmətindən Femida.az-a verilən məlumata görə, Sərnişin daşımaları Departamentinin kollektivi bayram günlərində sərnişin sıxlığının artması ilə əlaqədar ölkə daxilində hərəkət edən sərnişin qatarlarına hər gün 10-15, bəzən də 20 ədəd əlavə vaqonun qoşulması təmin edilir.
Martın 21-də sərnişinlərin bayram əhvali-ruhiyyəsini qaldırmaq üçün Bakı sərnişin stansiyasında Novruz şənliyi keçirilib. Qədimdən bu günəcən gəlib çıxan, yaddaşlarda özünə yuva quran Novruz bayramı yalnız adət-ənənələri ilə deyil, həmçinin mili-mənəvi xüsusiyyətləri ilə xalqın yaddaşında yaşayır.
Şənliyin iştirakçıları sərnişinlərə maraqlı səhnəciklər, musiqilər təqdim etdilər. Novruz bayramının əzəli-əbədi personajları olan Kosa və Keçəlin iştirakı isə sərnişinlərdə əsl bayram əhvali-ruhiyyəsi yaşatdı.
2010-cu il fevralın 23-də BMT Baş Məclisinin 64-cü sessiyasında "Sülh mədəniyyəti" adlı 49-cu bəndə müvafiq olaraq "Beynəlxalq Novruz Günü" adlı qətnamə layihəsi yekdilliklə qəbul edilib, BMT martın 21-ni Beynəlxalq Novruz Günü elan edib. BMT-nin ardınca daha bir nüfuzlu beynəlxalq təşkilat - ATƏT Novruz bayramını öz təqviminə salıb.
Oxunub: 658
Oxşar xəbərlər
- Rusiya Ukraynada sərnişin qatarına zərbə endirib, 22 nəfər ölüb, yaralananlar var
- Göygöldə minik maşını aşıb, sərnişin ölüb
- AZAL Bakı-London aviareysinin sərnişinlərinə müraciət edib
- Sərnişin avtobusunda ər arvadını qətlə yetirib
- Narkotik vasitənin təsiri altında sərnişin daşıyan Masallı sakini həbs edilib
- Türkiyədə sərnişin təyyarəsi təcili eniş edib
- Mayk Tayson təyyarədə sərnişin döyüb
- Bakı metrosunda pis qoxu səbəbindən sərnişinlər təxliyə edilib
- Bakı metrosunda sərnişin vəfat edib
- Türkiyədə sərnişin avtobusu qəzaya uğrayıb, ölən və yaralananlar var