İcra qurumuna yeni hüquq verilib
02:48 11 May 2016
Ədliyyə Nazirliyi Kollegiyası “Yerli icra qurumlarının Nümunəvi Əsasnaməsi”ndə dəyişiklik edib.
Femida.az xəbər verir ki, dəyişiklik Əsasnaməyə əsasən Ədliyyə Nazirliyinin rayon (şəhər) icra idarəsi, şöbəsi və qrupları ( icra qurumu) Azərbaycanda məhkəmə və digər orqanların qərarlarının məcburi icrasını və aidiyyəti məhkəmələrin müəyyən olunmuş fəaliyyət qaydasını təmin edən yerli struktur qurumlarıdır.
Dəyişiklik icra qurumunun öz vəzifələrini həyata keçirmək malik olduğu hüquqlarla bağlıdır. İndiyə qədər icra qurumunun məhkəmə qərarları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququnun müvəqqəti məhdudlaşdırılması üçün məhkəməyə təqdimat vermək hüququ olub. Dəyişikliyə əsasən isə bundan sonra icra qurumunun həm də məhkəmə əmrləri və vergi orqanlarının pul tələblərinin ödənilməsi ilə bağlı inzibati aktları əsasında verilmiş icra sənədləri könüllü icra üçün müəyyən olunmuş vaxtda borclu tərəfindən üzrsüz səbəbdən icra edilmədikdə, borclunun ölkədən getmək hüququnun müvəqqəti məhdudlaşdırılması üçün məhkəməyə təqdimat vermək hüququ olacaq.
Femida.az
Oxunub: 2447
Oxşar xəbərlər
- İcra başçısına yeni müavin təyin olundu
- İcra başçısından maraqlı addım - Xaçmazda
- İcra Hakimiyyəti valideynlərini itirən gənclərin pulunu ödədi
- İcra hakimiyyəti 3 gəncin pulunu ödəmir - VİDEO
- İcra başçısı olmuş şəxs vəfat etdi
- İcra başçısının müavini vəfat edib
- İcra Hakimiyyəti vətəndaşı məhkəməyə verib
- İcra başçısı müavininin qəza törətmiş oğluna hökm oxundu
- İcra nümayəndəsi və icra başçısının qardaşı oğlu qəzaya düşdü - Yenilənib
- İcra başçısı məhkəmədə ifadə vermək istəmədi