Sabiq nazirin şikayəti təmin olunmadı
17:35 25 May 2016
Bu gün Ali Məhkəmədə həbsdə olan sabiq nazir Nicat Quliyevin barəsində olan hökmdən verilən kassasiya şikayətinə baxılıb.
Bu barədə APA-ya məlumat verən N. Quliyevin vəkili Əfqan Məmmədov bildirib ki, məhkəmə kassasiya şikayətini təmin etməyib.
Qeyd edək ki, Nicat Əmir oğlu Quliyev Cinayət Məcəlləsinin 228.1-ci (qanunsuz olaraq odlu silah, onun komplekt hissələrini, döyüş sursatı (yivsiz odlu ov silahı və həmin silah üçün döyüş sursatı istisna olmaqla) partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə) maddəsində nəzərdə tutulan cinayəti törətməkdə şübhəli bilindiyinə görə, 2013-cü il avqustun 7-də tutulub. Abşeron Rayon Məhkəməsinin hökmü ilə N.Quliyev 3 il müddətinə azadlıqdan məhrum edilib. Sumqayıt Apellyasiya Məhkəməsi isə hökmdən təqsirləndirilən şəxsin verdiyi apellyasiya şikayətini təmin etməyib. Bundan sonra kassasiya şikayəti verilib. Şikayətdə onun barəsində olan cinayət işinin ləğv edilməsi, azadlığa buraxılması istənilib.
N. Quliyev 1993-95-ci illərdə Azərbaycanın xarici iqtisadi əlaqələr naziri vəzifəsini müvəqqəti icra edib. Sonra Acarıstana gedib, 2004-cü ilədək prezident Aslan Abaşidzenin müşaviri postunda çalışıb. Bundan sonra Azərbaycana qayıdıb, Türkiyə və Azərbaycanda bizneslə məşğul olub.
N.Quliyev 2005-ci il oktyabrın 19-da da həbs edilib. Ona qarşı dövlət çevrilişinə cəhddə iştirak maddəsi ilə ittiham irəli sürülsə də, az sonra azadlığa buraxılıb.
Femida.az
Oxunub: 952
Oxşar xəbərlər
- Sabiq vitse-prezidentə 63 il həbs cəzası verildi
- Sabiq baş nazirin oğlu evində ölü tapılıb
- Sabiq deputat vəfat etdi
- Sabiq polis rəisi: Bakı küçələrində elə adamlar dilənir ki, villaları var
- Sabiq deputatın oğlu yeni vəkilindən imtina etdi
- Sabiq deputatın oğlunun məhkəməsi başladı
- Sabiq polis mayoru bağ evində narkotik yetişdirirdi
- Sabiq deputat vəfat edib
- Sabiq rektorun evini qarət edən şəxslərə hökm oxundu
- Sabiq deputatın oğlu MƏHKƏMƏ QARŞISINDA