Yasamal qəbiristanlığı yandı - Video

23:42     12 İyun 2016

Bakının Yasamal qəbiristanlığında yanğın baş verib.

Femida.az -ın ANS TV-yə istinadən məlumatına görə, yanğın 500 kv.m sahəni əhatə edib. Hazırda yanğının söndürülməsi üçün yanğınsöndürənlər ərazidə iş aparır.

Yanğın təxminən saat 13:20–də baş verib. Qəbiristanlıq işçilərinin sözlərinə görə, ərazidə belə yanğınlar tez-tez olur. Çox vaxt qəbir sahibləri ərazidə ilan olmaması üçün quru otları yandırırlar. Bu isə bir çox hallarda belə hadisənin miqyasıın böyüdür.

Yanğının qarşısını almaq üçün əraziyə Fövqəladə Hallar Nazirliyinin dövlət yanğından müzafizə xidmətinin Yasamal və Səbail rayon yanğından mühafizə bölmələrinin əməkdaşları cəlb edilib. Hüquq mühafizə orqanlarının nümayəndələri də əraziyə nəzarət edir.

Yasamal qəbiristanlığında bundan əvvəl də bir neçə dəfə yanğın olub. Belə hadisələrdən biri də bir neçə ay əvvəl qeydə alınıb. Yanğın baş verən əraziyə Fövqaladə Hallar Nazirliyinin həm Yasamal, həm də Səbail bölməsindən yanğınsönsürən avtomobillər və çoxsayda canlı qüvvəsi cəlb olunub.

İlkin hesablama zamanı alovun iki hektardan çox əraziyə ziyan vurduğu məlum olub.

Açar sözlər:

Oxunub: 1154