Obama müsəlmanları təbrik etdi
02:15 07 İyul 2016
ABŞ prezidenti Barak Obama müsəlmanları müqəddəs Ramazan bayramı münasibətilə təbrik edib.
Obama bayram təbrikində ramazanın müsəlmanlar üçün ruhən yenilənmə və yoxsullara yardım ayı olduğunu söyləyib. O, ABŞ-da Ramazan bayramının keçirilməsini ölkənin fərqli mədəniyyətlərini xatırlamaq baxımından əhəmiyyətli hesab edib.
“Ramazan ayı ərzində günahsız insanlar həyatını itirdi. Dünyanın müxtəlif bölgələrində zorakılıq hadisələrinin şahid olduq. Bu ay boyunca Orlandoda, İstanbulda, Bağdadda, Mədinədə və digər şəhərlərdə yüzlərlə günahsız insan öldürüldü.
Dünyada müsəlmanlara qarşı hücumların artdığını görürük. Kimsə ibadətgahda özünü təhlükə içində hiss etməməlidir. Bir çox Amerikalı ramazan boyunca içində yaşadığı cəmiyyətdə müsəlmanlara yardım etmiş, hətta bu dindən olan qonşuları ilə birlikdə oruc tutmuşdur. Nifrətə qarşı Amerikalı dəyərlərimiz bizi bir araya gətirəcək və birlik içində olaraq bir-birimizi qoruyacağıq”,- deyə Barak Obama təbrik məktubunda vurğulayıb.
Oxunub: 1004
Oxşar xəbərlər
- Obamanın Trampa yazdığı maraqlı məktub ələ keçdi
- Obama Trampın telefonuna qulaq asırmış
- Obama siyasətə qayıdır
- Obama Fransa prezidenti olacaq?
- Obamanın qızı Trampa etiraz etdi - FOTO
- Obama Fələstinə 221 milyon göndərib - Prezidentliyinin son saatlarında
- Obama Vaşinqtonu tərk etdi
- Obamanın 5 milyonluq yeni evi - FOTOLAR
- Obama Rusiyaya qarşı sanksiyaları bir il də uzatdı
- Obama Baydenə ABŞ-ın ali mükafatını verdi