Narkotik saxlamaqda təqsirləndirilən şəxsə bəraət verildi
22:16 09 Avqust 2016
Yasamal rayon Məhkəməsində narkotik vasitə əldə edib saxlamaqda təqsirləndirilən Həsənov Səbiyar Qurban oğlunun cinayət işi üzrə məhkəmə prosesi başa çatıb.
İclasda çıxış edən dövlət ittihamçısı təqsirləndirilən şəxsin 2 il müddətinə azadlıqdan məhrum edilməsini istəyib. Daha sonra təqsirləndirilən şəxsin vəkili Gülşən Salmanova müdafiə nitqi ilə çıxış edib. O, müdafiə etdiyi şəxsin təqsirinin sübuta yetirilmədiyini deyib və məhkəmədən bəraət hökmünün çıxarılmasını istəyib. S. Həsənov da çıxışında günahının olmadığını bildirib. Müşavirədən sonra hökm elan edilib. Məhkəmə hökmünə əsasən S. Həsənovun barəsində bəraət hökmü çıxarılıb. O, məhkəmə zalından azadlığa buraxılıb.
Qeyd edək ki, S. Həsənov Metropolitendə Polis İdarəsinin əməkdaşları tərəfindən metronun “Gənclik” stansiyasında saxlanılıb. Ona qarşı əvvəlcə cibgirlik ittihamı elan edilib. Sonradan onun ittihamı Cinayət Məcəlləsinin 234.1-ci (satış məqsədi olmadan şəxsi istehlak miqdarından artıq narkotik vasitə əldə etmə və saxlama) maddəsinə tövsif edilib.
Femida.az
Oxunub: 939
Oxşar xəbərlər
- Narkotiki tövlədə gizlətdi - FOTO
- Narkotik alverçiləri ifşa olunub
- Narkotiklərin hazırlanmasına görə cəzalar dəyişdirilir
- Narkotikə görə vəzifəli şəxslər tutuldu
- Narkotik qəbul edən yeniyetmələr döyüldü
- Narkotikə qarşı vaksin icad olunub
- Narkotik əkib-becərən şəxs saxlanılıb
- Narkotikdən istifadə edən uşaqların STATİSTİKASI
- Narkotik becərən şəxs tutulub
- Narkotik becərən şəxs saxlanılıb - FOTO