İŞİD-ə qoşulan azərbaycanlıya 14 il həbs tələbi
23:29 28 Sentyabr 2016
Bu gün Suriyada qanunsuz silahlı birləşmənin tərkibində iştirak etməkdə təqsirləndirilən Zöhrab Məmmədovun cinayət işi üzrə məhkəmə davam edib.
Femida.az Lent.az-a istinadən xəbər verir ki, Bakı Ağır Cinayətlər Məhkəməsində Azər Orucovun sədrliyi ilə keçirilən prosesdə məhkəmə istintaqı başa çatıb. Söz dövlət ittihamçısına verilib. Prokuror çıxışı zamanı Zöhrab Məmmədovun 14 il müddətə azadlıqdan məhrum edilməsini istəyib. Vəkil Adəm Məmmədov çıxış üçün məhkəmədən vaxt istəyib.
Proses oktyabrın 5-də davam etdiriləcək.
Qeyd edək ki, bu il fevral ayınnın 12-də Dövlət Təhlükəsizliyi Xidmətinin (DTX) İctimai əlaqələr şöbəsinin yaydığı məlumat yayıb. Müəyyən edilib ki, Zöhrab Məmmədov, 2012-2015-ci illər ərzində qeyri-qanuni yollarla Suriya Ərəb Respublikasının və İraq Respublikasının ərazisinə keçiblər. Onlar həmin dövlətlərin ərazisində qanunsuz fəaliyyət göstərən "İslam dövləti (İŞİD)" və digər terrorçu təşkilatların, eləcə də başqa qanunsuz silahlı birləşmələrin tərkibində radikal dini və hərbi təlimlər keçib, müxtəlif növ odlu silahlardan istifadə təcrübəsinə yiyələniblər. Təlimlər başa çatdıqdan sonra onlar Suriya və İraq ərazisində sabit terrorçu və digər qanunsuz silahlı birləşmələrin tərkibində hərbi əməliyyatlarda və döyüşlərdə iştirak ediblər.
Z.Məmmədov Suriya ərazisindəki "Mühacir Ansar", İ.Muxtarov isə İraqdakı "Muvahidd camaatı" adlı qanunsuz silahlı birləşmələrin tərkibində hərbi əməliyyatlarda fəal iştirak edib və bu zaman yaralanaraq müxtəlif bədən xəsarətləri alıblar.
Femida.az
Oxunub: 1389
Oxşar xəbərlər
- İŞİD-ə qoşulmuş azərbaycanlıya hökm oxunub - 14 İL
- İŞİD-ə qoşulan boksçu Suriyada öldürülüb
- İŞİD-ə qarşı yeni əməliyyat başlayır
- İŞİD-ə qoşulmuş azərbaycanlı qadınlar - FOTOLAR
- İŞİD-ə qoşulan azərbaycanlılar öldürüldü - Türkiyədə
- İŞİD-ə ağır zərbə - 20 komandir öldürüldü
- İŞİD-ə pul ötürənlər tutuldu
- İŞİD-ə qoşulan azərbaycanlılara 74 il həbs
- İŞİD-ə qarşı Raqqa əməliyyatı başlanıb
- İŞİD-ə aid 10 hədəfə zərbə endirildi