İsrail Türkiyəyə səfir təyin etdi - 6 il sonra
00:03 16 Noyabr 2016
İsrail 6 ildən sonra Türkiyəyə yeni səfir təyin edib.
Femida.az Türkiyə mətbuatına istinadən xəbər verir ki, Tel-Əvivin Ankaradakı maraqlarını Eitan Naeh qoruyacaq.
Məlumata görə, E.Naeh bu posta gətirilənədək İsrailin Böyük Britaniyadakı səfirliyinin müşaviri işləyirdi.
Qeyd edək ki, iki dövlət arasında münasibətlər 2010-cu il mayın 31-də kəsilib. Həmin dövrdə Fələstinin Qəzza bölgəsinə humanitar yardım aparan Türkiyənin "Mavi Mərmərə" gəmisinə İsrail hərbçiləri basqın edib. Nəticədə Türkiyənin 9 vətəndaşı öldürülüb. Bu il iyunun 29-da İsrail hökuməti Türkiyə ilə normallaşma razılaşmasını təsdiqləyib. İsrail dövləti baş verən hadisə ilə bağlı Türkiyədən üzr istəyib. Avqustun 20-də isə Türkiyə parlamenti rəsmi Ankara və Təl-Əviv arasında münasibətlərin normallaşdırılması ilə bağlı razılaşma sənədini təsdiqləyib. Sənədə əsasən, İsrail Türkiyəyə 25 gün ərzində 20 milyon dollar məbləğində təzminat ödəyəcək. Anlaşmaya görə, İsrail hərbçiləri hüquq və cəza məsuliyyətindən azad ediləcək. Eyni zamanda, İsrail Fələstinə humanitar yardımın göndərilməsi ilə bağlı tətbiq etdiyi embarqonu yumşaldacaq.
Femida.az
Oxunub: 1722
Oxşar xəbərlər
- İsrail Qəzza zolağını atəşə tutub
- İsrail ordusu Qəzza zolağında əməliyyata başlayıb
- İsrail- Fələstin toqquşması: 2 ölü,689 yaralı var
- İsrail BMT-nin Qüdsə dair qərarını qəbul etmir
- İsrailin Azərbaycandakı səfiri Ağcabədiyə gedib
- İsrailin kəşfiyyat naziri: Livanı yer üzündən silərik!
- İsrailə qarşı böyük müharibə başlayır
- İsrail Qəzzanı bombaladı - ÖLƏNLƏR VAR
- İsrail ordusu Qəzza zolağına zərbə endirib
- İsrail ordusu fələstinlidən üç alma oğurlayan komandiri cəzalandırdı