İlhamə Quliyevanın köməkçisinə 8 il həbs tələbi
17:33 20 Dekabr 2016
Bu gün Bakı Ağır Cinayətlər Məhkəməsində mərhum xalq artisti İlhamə Quliyevanın soyğunçuluqda təqsirləndirilərək həbs edilən köməkçisi Mehriban Hüseynovanın cinayət işi üzrə məhkəmə prosesi keçirilib.
Hakim Səbuhi Hüseynovun sədrliyi ilə keçirilən prosesdə dövlət ittihamçısı çıxış edib.
Prokuror bildirib ki, M.Hüseynovanın xalq artisi İ.Quliyevanın 2 milyon 700 min manat dəyərində olan daşınan və daşınmaz əmlakını ələ keçirməyə cəhd edib. O bildirib ki, M.Hüseynova bu məqsədlə saxta vəsiyyətnamə hazırlayıb. Prokuror M.Hüseynovanın cinayət əməlinin istintaq zamanı şahidlərin ifadəsi ilə sübuta yetirildiyini bildirib.
Dövlət ittihamçısı M.Hüseynovanın 8 il müddətinə azadlıqdan məhrum edilməsini istəyib.
M.Hüseynovanın vəkili müdafiə çıxışı üçün məhkəmədən vaxt istəyib. Məhkəmə prosesi dekabrın 27-nə təyin edilib.
M.Hüseynova 2015-ci il oktyabr ayının 21-də həbs edilib. Onun barəsində Cinayət Məcəlləsinin 29,180.3.2-ci (soyğunçuluğa cəhd) maddəsi ilə cinayət işi başlanıb.
Xatırladaq ki, İ.Quliyeva 2016-cı il fevralın 25-də səhər saatlarında 73 yaşında dünyasını dəyişib. (Trend)
Femida.az
Oxunub: 913
Oxşar xəbərlər
- İlhamə Quliyevanın oğlu həbs olundu
- İlhamə Quliyevanın sui-qəsd işində tutulan müstəntiq AZADLIQDADIR
- İlhamə Quliyevanın oğlunun dostu da azadlığa buraxıldı
- İlhamə Quliyevanın köməkçisi AZADLIQDA
- İlhamə Quliyevanın köməkçisi məhkəmədə susdu
- İlhamə Quliyevanı o əvəz edəcək - TƏYİNAT
- İlhamə Quliyevanın varidatı açıqlandı - 2 milyondan çox
- İlhamə Quliyevanın köməkçisinin məhkəməsi başlayıb
- İlhamə Quliyevanın köməkçisinin cinayət işi məhkəməyə göndərilib
- İlhamə Quliyevanın köməkçisinin istintaqı yekunlaşdı