Azərbaycanlılar Nyu-Yorkda mitinq keçirəcək
18:45 07 Fevral 2017
Xocalı soyqırımının 25-ci ildönümü ilə əlaqədar Amerika Birləşmiş Ştatlarının Nyu-York şəhərində fəaliyyət göstərən Azərbaycan diaspor təşkilatları Ermənistanın BMT-dəki daimi nümayəndəliyi və BMT-nin baş qərargahı qarşısında mitinq keçirəcək.
Femida.az Diasporla İş üzrə Dövlət Komitəsinin saytına istinadən xəbər verir ki, Nyu-York Azərbaycan-Amerika Qadın Cəmiyyətinin təşkil edəcəyi aksiyanın fevralın 24-də keçirilməsi nəzərdə tutulub. Cəmiyyətin rəhbəri Münəvvər Vahabova bildirib ki, aksiyada istifadə etmək üçün Azərbaycan həqiqətlərinin əks olunduğu plakatlar, şəkillər, şüarlar və yerli əhaliyə paylanması üçün nəzərdə tutulan Xocalı soyqırımı haqqında ingiliscə ətraflı məlumatın göstərildiyi vərəqələr çap olunub.
Fevralın 25-də isə Nyu-York Azərbaycan Evində Xocalı soyqırımı qurbanlarının xatirəsi anılacaq. Tədbirdə Azərbaycanın BMT-dəki daimi nümayəndəliyinin rəhbəri, səfir Yaşar Əliyevin, nümayəndəliyin əməkdaşlarının, ABŞ-dakı Azərbaycan səfirliyinin nümayəndələrinin, Nyu-Yorkda fəaliyyət göstərən müxtəlif xalqların, icmaların liderlərinin, Bruklin şəhərinin prezidenti Erik Adamsın iştirakı gözlənilir.
Femida.az
Oxunub: 1268
Oxşar xəbərlər
- Azərbaycanlıların reaksiyası yekdil deyil - Ekspertdən İran hadisələrinə ŞƏRH
- Azərbaycanlılar Rusiyada milyonluq kompleks aldı
- Azərbaycanlıların Ermənistandan deportasiyasından 29 il ötür
- Azərbaycanlılar yeni ildə bu şəhərə axın edəcək
- Azərbaycanlıların yaşadığı qəsəbədə xüsusi əməliyyat - Gürcüstanda
- Azərbaycanlıların yaşadığı qəsəbə ilə bağlı qərar verildi
- Azərbaycanlılar Quran müsabiqəsində ikinci oldu
- Azərbaycanlıların yaşadığı qəsəbədə xüsusi əməliyyat keçirildi
- Azərbaycanlılar Ermənistan səfirliyi qarşısında etiraz aksiyası keçirdi
- Azərbaycanlılar Saakaşvilinin Gürcüstana qayıtmasını istəyir