Türkiyə ilə Avropa arasında gərginlik artır
00:40 14 Mart 2017
Türkiyə qaçqınlarla bağlı Avropa İttifaqı (Aİ) ilə razılaşmalara yenidən baxa bilər.
Bunu Türkiyənin Avropa İttifaqı işləri üzrə naziri Ömər Çelik deyib.
Nazir bildirib ki, qaçqınların Avropadan geri qəbulu, Türkiyə ilə viza rejiminin aradan qaldırılması, eləcə də miqrantları yerləşdirdiyi üçün bu ölkəyə 3 milyard avronun ayrılması kimi məsələlərin yer aldığı razılaşmalara Aİ əməl etmir. Bu səbəbdən də Türkiyənin qurum qarşısında heç bir öhdəliyi yoxdur.
Nazirin sözlərinə görə, indiyə qədər Türkiyənin qaçqın siyasəti sadəcə insanlıq prinsipinə əsaslanıb. Amma bundan sonra problemə, xüsusilə də qaçqınların quru yolu ilə Avropaya keçməsi məsələsinə yenidən baxılmalıdır.
Qeyd edək ki, türkiyəli nazir bu bəyanatı Niderlandla yaşanan son gərginlik fonunda verib.
Martın 11-də Niderland Türkiyənin xarici işlər naziri Mövlud Çavuşoğlunun təyyarəsinə uçuş icazəsini ləğv edib. M.Çavuşoğlu Niderlandda Türkiyə konstitusiyasına düzəlişlərə dəstək mitinqlərində iştirak etmək üçün Rotterdama getməyi palnlaşdırırdı.
Bundan sonra Türkiyənin ailə və sosial siyasət işləri üzrə naziri Fatma Betül Sayan Kayanın avtomobili Hollandiya polisi tərəfindən saxlanılıb. Nazirə Rotterdam şəhərində bu ölkənin türk icması ilə görüşdə iştirak etmək üçün ölkəyə gəlişinə icazə verməyib.
Rəsmi Ankara Niderland hökümətindən Türkiyədən rəsmi olaraq üzr istəməsini tələb edib. Niderland hökuməti isə Türkiyədən üzr istəməyib.
Femida.az
Oxunub: 1740
Oxşar xəbərlər
- Türkiyədə fövqəladə vəziyyət rejimi yenidən uzadılacaq
- Türkiyə ordusu 6 terrorçunu məhv edib
- Türkiyədə terror təhlükəsi - 20 nəfər saxlanıldı
- Türkiyə və Rusiya arasında saziş imzalandı
- Türkiyədə kağız fabriki yanır
- Türkiyədəki partlayışın səbəbi bilindi - Yeniləndi
- Türkiyədə avtobus qəzası - 18 şagird yaralanıb
- Türkiyədə fövqəladə vəziyyət ləğv edilir - TARİX
- Türkiyə ordusu 3 şəhid verdi
- Türkiyə SQ-in Baş Qərargah rəisi: Azərbaycana minnətdaram