Qurban bayramında 6 nəfər ölüb - Yol qəzalarında

18:51     05 Sentyabr 2017

Qurban bayramı günlərində respublika ərazisində qeydə alınan yol-nəqliyyat hadisələrinin statistikası açıqlanıb.

Daxili İşlər Nazirliyindən Femida.az–a verilən xəbərə görə, son dörd gündə respublikanın avtomobil yollarında 15 yol-qəza hadisəsi qeydə alınıb. Nəticədə 6 nəfər ölüb, 27 nəfər xəsarət alıb.

Baymarın ilk günündə respublikanın avtomobil yollarında 5 yol-nəqliyyat hadisəsi baş verib, nəticədə 2 nəfər ölüb, 15 nəfər xəsarət alıb. 2 sentyabr tarixində isə 5 yol-nəqliyyat hadisəsi baş verib, nəticədə 2 nəfər ölüb, 6 nəfər xəsarət alıb. Bayramın 3-cü günü isə respublikanın avtomobil yollarında 3 yol-nəqliyyat hadisəsi baş verib, nəticədə 1 nəfər ölüb, 5 nəfər xəsarət alıb. Sentyabrın 4-də 2 yol-nəqliyyat hadisəsi baş verib, nəticədə 1 nəfər ölüb, 1 nəfər xəsarət alıb.

Femida.az

Açar sözlər:

Oxunub: 791