Səudiyyə Ərəbistanına ballistik raket atıldı
13:20 10 Oktyabr 2017
Yəmən ərazisindən Səudiyyə Ərəbistanına ballistik raket atılıb.
Femida.az xəbər verir ki, raket Səudiyyə Ərəbistanının cənub-qərbindəki Cizan dairəsinə düşüb.
Dağıntı və zərərçəkənlər barədə məlumat verilmir. Rəsmi Ər-Riyaddan yayılan məlumata dair hələ ki, şərh verilməyib.
Ballistik raketin Yəməndəki husi üsyançıları tərəfindən buraxıldığı ehtimal edilir. Bu ilin iyulunda Yəmən ərazisindən atılan raket Məkkə şəhəri ətrafında vurulub.
Yəməndə üsyançı husilər, sabiq prezident Əli Abdulla Salehi dəstəkləyən ordu qüvvələri və Səudiyyə Ərəbistanının rəhbərlik etdiyi koalisiyanın dəstəklədiyi hazırkı prezident Abd Rabbu Mənsur Hadiyə tabe olan qoşunlar arasında münaqişə 2014-cü ildən davam edir. Səudiyyə Ərəbistanın rəhbərliyi altında ərəb koalisiyası 2015-ci il, martın 26-dan Yəməndə üsyançı husilərin nəzarəti altında olan ərazilərə hava zərbələri endirir.
Femida.az
Oxunub: 2192
Oxşar xəbərlər
- Səudiyyə Ərəbistanda daha 11 şahzadə həbs olunub
- Səudiyyə kralının sarayına raket atıldı
- Səudiyyədə daha bir qadağa aradan qaldırılır
- Səudiyyə Ərəbistanı Yəməni bombaladı - 39 ölü var
- Səudiyyə Ərəbistanı bu banka 2 milyard dollar yatıracaq
- Səudiyyə Ərəbistanında korrupsiya qalmaqalı böyüyür
- Səudiyyədə növbəti həbs dalğası - Kral ailəsinin üzvləri həbs olunub
- Səudiyyə Ərəbistanında 11 şahzadə həbs edildi - Korrupsiyaya görə
- Səudiyyədə qadınlar da maşın sürəcək
- Səudiyyədən Qətərə güzəşt
