Qadın yaşadığı evin həyətində yad kişi meyiti tapdı - İsmayıllıda
16:58 03 Fevral 2018
İsmayıllı rayon sakininə məxsus fərdi yaşayış evində naməlum kişi meyidi tapılıb.
Femida.az-ın APA-ya istinadən xəbərinə görə İsmayıllı şəhərinin Mübariz Orucov küçəsindəki 119 saylı mənzildə yaşayan 50 yaşlı Nüşabə Dəmirova Bakı şəhərindən rayona geri qayıdıb və dəmir darvazanı açaraq həyətə daxil olarkən orada bir kişinin öldüyünü görüb. Qadın dərhal İsmayıllı rayon Polis Şöbəsinə məlumat verib. Polis əməkdaşları hadisə yerinə baxış keçirib və meyit müayinə üçün Respublika Məhkəmə Tibbi Ekspertiza və Pataloji Anatomiya Birliyinin İsmayıllı rayon şöbəsinə aparılıb. Araşdırma zamanı ölən şəxsin Ağdam rayonu Quzanlı qəsəbə sakini, 1957-ci il təvəllüdlü Əliyev Akif Əbdülhüseyn oğlu olduğu məlum olub. Akif Əliyevin Lahıc qəsəbəsinə qonaq gəldiyi deyilsə də onun meyidinin İsmayıllı şəhərində tənha yaşayan qadının evinin həyətində tapılması müəmmaya səbəb olub. Onun hansı səbəbdən dünyasını dəyişdiyi hələ məlum deyil. Nüşabə Dəmirova ölən kişini tanımadığını və evini rayona gələn turistlərə gündəlik kirayə verdiyini bildirib.
Faktla bağlı İsmayıllı rayon Prokurorluğu tərəfindən araşdma aparılır.
Oxunub: 1724
Oxşar xəbərlər
- İsmayıllı və Tovuzda qanunsuz ağac kəsilməsi aşkarlanıb
- İsmayıllıda dağlıq ərazidə meşə yanır
- İsmayıllıdakı vergi ödəyicilərinə xidmət mərkəzi müvəqqəti fəaliyyət göstərməyəcək
- İsmayıllıda meşədə narkotik plantasiyası salan şəxslər saxlanılıb
- İsmayıllıda evdən 21 000 manat oğurlayan şəxs saxlanılıb
- İsmayıllıda restorandan oğurluq edən gözətçinin cinayət əməli ifşa olunub
- DYP İsmayıllıdakı qar uçqunu ilə bağlı açıqlama verib
- Məhkəmə İsmayıllı Olimpiya İdman Kompleksinin sabiq direktoru ilə bağlı qərar çıxarıb
- İsmayıllıda marketdə yararlılıq müddəti bitən məhsullar aşkarlanıb
- İsmayıllıda qanunsuz heyvan kəsimi və ət satışının qarşısı alınıb