İlahiyyat İnstitutunda təhsil pulsuz olacaq - DETALLAR AÇIQLANDI
00:43 11 Fevral 2018
İlahiyyat İnstitutunda təhsil pulsuz olacaq.
Bakı Dövlət Universitetinin İlahiyyat fakültəsini də strukturuna daxil edəcək təhsil ocağı dini fəaliyyətin təşkili sahəsində yüksək ixtisaslı kadrlar hazırlayacaq.
Dövlət siyasətinin məntiqi nəticəsi olan yüksək dini-mənəvi mühitin qorunub saxlanılmasını təmin etmək üçün yaradılan İlahiyyat İnstitutuna hazırda inzibati bina axtarılır.
Dini Qurumlarla İş üzrə Dövlət Komitəsinin sədr müavini Gündüz İsmayılov deyib ki, hələlik ixtisasların konkret sayı məlum olmasa da, məzunların işləyəcəkləri sahələr bəllidir.
İnstitut üçün yataqxana ayrılması da planlaşdırılır. Qəbul prosesi nöqteyi-nəzərdən isə buranın digər təhsil ocaqlarından heç bir fərqi olmayacaq.
Gündüz İsmayılovun sözlərinə görə, yeni təsis olunacaq struktura təkcə təhsil məsələsi kimi yanaşmaq olmaz.
Azərbaycan İlahiyyat İnstitutunun fəaliyyətə başlamasıyla bu sahədə milli kadr çatışmazlığına da son qoyulacaq. Çünki qanunla xaricdə dini təhsil alan şəxsin ideoloji fərqlilik baxımından ölkədə fəaliyyətinə müəyyən məhdudiyyətlər qoyulub.
Femida.az
Oxunub: 975
Oxşar xəbərlər
- Prezident İlahiyyat İnstitutunun yeni binasının açılışında iştirak edib
- Azərbaycan İlahiyyat İnstitutunda seminar keçirilib
- Azərbaycan İlahiyyat İnstitutuna bina ayrılıb
- İlahiyyat İnstitutuna qəbul balı artıb
- İlahiyyat İnstitutu və Mənəvi Dəyərlərin Təbliği Fonduna yeni bina verilib
- Azərbaycan İlahiyyat İnstitutu əlaqələrini genişləndirir
- İlahiyyat İnstitutunda imtahan sessiyası başladı
- İlahiyyat İnstitutunda Arif Quliyev ilə görüş keçirilib
- Öpüşməklə oruc pozulurmu? - İlahiyyatçı AÇIQLADI
- İlahiyyat İnstitutunun saytı fəaliyyətə başlayıb