“İnterpol”un prezidenti itkin düşüb
17:00 05 Oktyabr 2018
Çin hökumətinin keçmiş ictimai təhlükəsizlik naziri, “İnterpol”un (Beynəlxalq Cinayət Polisi İdarəsi ) prezidenti Menq Hunvey artıq bir həftədir itkin düşüb.
AzVision.az “İndependent”ə istinadən xəbər verir ki, 29 sentyabrda öz doğma vətəni Çinə səyahət edən 64 yaşlı Hunveydən indiyədək heç bir xəbər yoxdur.
Fransanın Lion şəhərində xanımı və övladları ilə birgə yaşayan Hunveyin yoxa çıxması ilə bağlı onun ailə üzvləri məlumat veriblər. Bildiriblər ki, artıq bir həftədir Hunveylə əlaqə itib və onun harada olduğunu müəyyənləşdirə bilmirlər.
Ailə üzvlərinin müraciətindən sonra Fransa polisi “İnterpol” prezidentinin itkin düşməsi ilə əlaqədar istintaq başladıb. Lakin “İnterpol”un özündən məsələ ilə bağlı hələlik şərh verilməyib.
Qeyd edək ki, Hunvey 2016-cı ilin noyabrında 4 il müddətinə “İnterpol”un prezidenti seçilib. Onun bu posta gəlməsi Pekinin siyasi rəqiblərinə qarşı hücumları artırmaq üçün “İnterpol”dan potensial vasitə kimi istifadə edəcəyi ehtimallarını artırıb. Çünki Çin rəhbəri Si Tsinpin ölkədə 4 illik anti-korrupsiya kampaniyasına start verərək, Çindən xaricə qaçan keçmiş hökumət rəsmiləri və digər şübhəlilərin geri qaytarılmasına çalışır. Artıq 2014-cü ildən bəri Pekinin “İnterpol” xətti ilə axtarışa verdiyi 100 ən şübhəli cinayətkardan 1/3-i Çinə ekstradisiya olunub.
“İnterpol” prezidentinin müəmmalı şəkildə bu qədər uzun müddətə yoxa çıxmasına dair müxtəlif versiyalar səslənməkdədir. İstisna edilmir ki, Pekinin "daxildəki" rəqibləri Hunveyin Çinə səfərindən istifadə edərək, ona qarşı sui-qəsdə cəhd ediblər. Bununla da, rəsmi Pekinin əl-qolunu bağlamağa çalışıblar. Digər versiyalara görə isə, Hunvey məxfi əməliyyatla bağlı gözə görünmür, yaxud da, hansısa böyük cinayətkarın “İnterpol” tərəfindən sərbəst buraxılmasına nail omaq məqsədilə Hunvey müəyyən qüvvələr tərəfindən girov götürülüb.
Oxunub: 811
Oxşar xəbərlər
- Vilayət Eyvazov İnterpolun Milli Mərkəzi Bürosunun rəisini təqaüdə göndərib
- İnterpol Azərbaycanda qanunsuz mərc edənləri aşkarlayıb
- İnterpol Malinin keçmiş prezidentinin oğlunu axtarışa verdi
- Azərbaycanın İnterpol axtarışına verdiyi şəxs Gürcüstanda tutuldu
- Rusiya qətldə təqsirləndirilən azərbaycanlını İnterpol xətti ilə axtarışa verib
- İran Süleymaninin ölümünə görə 48 nəfəri İnterpola verdi
- Azərbaycan iki erməni komandiri İnterpol axtarışına verdi
- Rusiya Azərbaycan əsilli qadını İnterpol xətti ilə axtarır
- Azərbaycanın “İnterpol” axtarışına verdiyi şəxs Rusiyada saxlanıldı
- Azərbaycanın “İnterpol” xətti ilə axtarışa verdiyi əcnəbi Almaniyada saxlanıldı