Qəzaya uğrayan təyyarənin qara qutusu tapıldı
19:59 01 Noyabr 2015
Misirdə qəzaya uğramış Rusiyanın "Koqalımavia" şirkətinə məxsus təyyarənin qara qutuları tapılıb.
Femida.az-ın verdiyi xəbərə görə, Rusiyanın nəqliyyat naziri Maksim Sokolov bildirib ki, qutular zədələnsə də, oxunmasında problem yoxdur.
“Qutular zədələnsə də, Misir tərəfinin dediyi kimi termal təsir olmayıb” deyən M. Sokolov qara qutuların möhürləndiyini və hələlik açılmadığını diqqətə çatdırıb.
"Rosaviasiya"nın rəhbəri Aleksandr Neradko qara qutuların yerinin ictimaiyyətə açıqlanmadığını bildirib.
Onun sözlərinə görə, adətən belə proseslərdə iki ölkənin - hazırki situasiyada Misir və Rusiya mütəxəssisləri iştirak etməlidirlər.
M. Sokolov və A. Neradko, eləcə də fövqəladə hallar naziri Vladimir Puçkov Qahirədən hadisə yerinə uçublar.
Qeyd edək ki, təyyarənin düşdüyü rayonda bu gün səhərdən axtarış tədbirləri davam etdirilir.
Əməliyyata Rusiya Fövqəladə Hallar Nazirliyinin 100-dən artıq xilasedicisi qoşulub.
Cəsədlər Qahirəyə, ordan isə Sankt Peterburqa göndərilir.
Xatırladaq ki, Airbus 321 təyyarəsi dünən Şarm-Əl Şeyxdən Sankt Peterburqa uçarkən radarlardan itib. Təyyarə Sinay yarımadasının şimalında qəzaya uğrayıb. Göyərtəsində olan 217 sərnişin və 7 ekipaj üzvü həlak olub.
Dəhşətli qəza ilə əlaqədar Rusiya İstintaq Komitəsi cinayət işi açıb.
Noyabrın 1-də Rusiyada matəm elan olunub.(apa)
Oxunub: 1316
Oxşar xəbərlər
- Qəzaya düşən hərbçimiz dünyasını dəyişdi
- Qəzaya düşən ailənin daha bir üzvü xəstəxanada öldü
- Qəzaya düşən pambıqçılar evə buraxıldı
- Qəzaya düşən polislərdən biri öldü
- Qəzaya düşən məktəblilərdən SON XƏBƏR
- Qəzaya düşən azyaşlı qız öldü
- Qəzaya düşən qarmon ifaçısı öldü - VİDEO
- Qəzaya düşən vəzifəli şəxslərlə bağlı - Rəsmi açıqlama
- Qəzaya düşənlərin tibbi xərclərini kim ödəyir? – Hüquqi cavab
- Qəzaya uğrayan təyyarədə erməni izi