Yaponiyada nüvə stansiyasının fəaliyyəti dayandırılıb
13:47 24 Oktyabr 2021
Yaponiyanın enerji şirkəti "Kansai Electric Power" ölkənin qərbindəki Fukui prefekturasındakı Mihama Atom Elektrik Stansiyasının (AES) üçüncü reaktorunu bağlayıb.
Femida.az xəbər verir ki, bu barədə NHK telekanalı məlumat yayıb.
Reaktorun bağlanmasına səbəb kimi terror hücumlarına qarşı infrastrukturun gücləndirilməsi tədbirləri göstərilir.
İnfrastrukturun gücləndirilməsi işləri oktyabrın 25-də başa çatmalı idi. “Kansai Electric Power” nəzərdə tutulan müddətdə işləri başa çatdıra bilmədiyi üçün Yaponiya Atom Enerjisinə Nəzarət üzrə Dövlət Komitəsinin müvafiq əmrinə əsasən şirkət reaktorun işini dayandırmağa məcbur olub.
Atom elektrik stansiyalarında terror hücumlarına qarşı infrastrukturun gücləndirilməsi prosesinin 2022-ci ilin sentyabr ayına qədər başa çatacağı gözlənilir. Eyni zamanda, gələn ilin oktyabrına kimi üçüncü reaktorun işi bərpa olunacaq.
Aprelin 14-də Atom Enerjisinə Nəzarət Komitəsi Yaponiyanın ən güclü atom elektrik stansiyası olan Kaşivazaki-Karivanın fəaliyyətini qadağan edib, burada ciddi təhlükəsizlik pozuntuları aşkar edilib.
Qeyd edək ki, 2011-ci ildə Fukusima-1 Atom Elektrik Stansiyasında baş verən qəzadan sonra Yaponiya hakimiyyəti nüvə obyektləri üçün tələbləri sərtləşdirib. Terror hücumlarına qarşı infrastrukturun gücləndirilməsi zərurəti ilə yanaşı, AES-i idarə edən şirkətlər istismar müddəti 40 ildən çox olan reaktorların işini dayandırıblar. Onların fəaliyyətinin bərpası yalnız hərtərəfli yoxlamadan sonra mümkündür.
Oxunub: 1398
Oxşar xəbərlər
- Yaponiyada quş qripi yayılıb
- Prezidentin köməkçisi: "Azərbaycan Yaponiyadan da ədalətli və qətiyyətli mövqe gözləyir"
- Yaponiyada azərbaycanlılar üçün "qaynar xətt" yaradıldı
- Milli Məclisin sədri Yaponiyadadır
- Yaponiyada tufan 53 nəfərin ölümünə səbəb olub
- Yaponiyada qasırğa qurbanlarının sayı 18 nəfərə çatıb
- Yaponiyada tayfun nəticəsində ölən və yaralananlar var
- Yaponiyada sel fəlakəti - Fotolar
- Yaponiyada Asama vulkanı püskürməyə başladı
- Yaponiyada ilin ilk edam hökmü gerçəkləşib