Rusiyada azərbaycanlı zavod direktoru 37 yaşında vəfat edib
12:51 06 Aprel 2022
Rusiyada azərbaycanlı zavod direktoru gənc yaşında ürəktutmadan vəfat edib.
Bu barədə yazıçı-publisist Əkbər Qoşalı məlumat verib.
Onun sözlərinə görə, Rusiyanın irimiqyaslı istehsalat müəssisələrindən olan Lipetsk Sement Zavodunun baş direktoru, əslən Şəkidən olan soydaşımız Elvin Məmmədov 37 yaşında ürəktutmasından dünyasını dəyişib.
Ə.Qoşalı bildirib ki, mərhum E.Məmmədov Azərbaycanda dəfn olunacaq: "Hazırda onun cənazəsinin Azərbaycana gətirilməsi ilə bağlı işlər aparılır. Mərhumun cənazəsi Şəkidə torpağa tapşırılacaq".
Qeyd edək ki, Elvin Məmmədov Rusiyada yaşayan məşhur azərbaycanlılardan biri, tanınmış xeyriyyəçi Əliş Zabid oğlu Məmmədovun oğludur.
1958-ci ildə Şəkinin Orabon kəndində doğulmuş Əliş Məmmədov Saxa Respublikası Dövlət Məclisinin üzvü, Saxanın Fəxri Vətəndaşı və Əməkdar İnşaatçıdır. O, hazırda Saxa Azərbaycanlıları Cəmiyyətinin – Saxadakı diaspor təşkilatının başçısıdır.
Oxunub: 439
Oxşar xəbərlər
- Rusiyada hərbi komissarlığa silahlı hücum olub, hərbi komissar ölüb
- Rusiyada qismən səfərbərlik elan olunub
- Rusiyada son 5 ayın rekord yoluxma halı qeydə alınıb
- Rusiyada 82 nəfər kəskin bağırsaq infeksiyasına yoluxub
- Rusiyada təyyarə qəzası olub, ölənlər var
- Rusiyada 10 gün öncə radardan itən təyyarə tapılıb
- Rusiyada beş nəfər avtomobildə yanaraq ölüb
- Rusiyada təyyarə qəzasında ölənlərin sayı artıb
- Rusiyada "An-2" təyyarəsi radardan itib
- Rusiyadan Azərbaycana dərman preparatlarının gətirilməsinin qarşısı alınıb