Polisə müqavimət göstərən silahlı şəxslər zərərsizləşdirilib
20:53 28 Sentyabr 2017
Daxili İşlər Nazirliyi sosial şəbəkələrdə Sumqayıtda silahlı şəxslərin vətəndaşlara hücum etməsi və asayişi qoruyan polis əməkdaşlarına xəsarət yetirməsi barədə yayılan məlumatlara aydınlıq gətirib.
Nazirliyin mətbuat xidmətinin rəis müavini Orxan Mansurzadə Femida.az-ın sorğusuna cavabında bildirib ki, sosial şəbəkələrdə və bəzi xəbər saytlarında Sumqayıtda silahlı şəxsin vətəndaşlara hücum etməsi və asayişi qoruyan polis əməkdaşlarına xəsarət yetirməsi barədə yayılan məlumatlar həqiqətə uyğun deyil:
“Əslində dünən saat 18.00 radələrində Sumqayıt şəhəri 32-ci məhəllənin ərazisində şəhər sakinləri, əvvəllər cinayət məcəlləsinin müxtəlif maddələri ilə, o cümlədən xuliqanlıq, qəsdən sağlamlığa zərərvurma, hakimiyyət nümayəndəsinə müqavimət göstərmə və digər maddələrlə dəfələrlə məhkum olunmuş Səbuhi Xəlilov və Nurlan Əbilov ictimai qaydanı kobud şəkildə pozaraq bir-birinə bıçaqla xəsarət yetiriblər. Həmin vaxt ərazidə xidmət aparan post patrul xidmətinin əməkdaşları onları nizam-intizama dəvət etmək və sakitləşdirmək istəyərkən həmin şəxslər polisə də silahlı müqavimət göstərməyə cəhd ediblər, lakin polis əməkdaşlarının çevikliyi və peşəkarlığı nəticəsində onlar zərərsizləşdirilərək polis bölməsinə aparılıb”.
O. Mansurzadə həmçinin qeyd edib ki, keçirilən ekspertiza nəticəsində saxlanılan hər iki şəxsin sərxoş olduğu müəyyən edilib.
Faktla bağlı Sumqayıt şəhər Polis İdarəsi tərəfindən araşdırma aparılıb və toplanmış materiallar hüquqi qiymət verilməsi üçün şəhər Prokurorluğuna göndərilib.
Qeyd edək ki, ötən gün sosial şəbəkələrdə Sumqayıtda silahlı şəxsin vətəndaşlara və polis əməkdaşlarına hücum etməsini özündə əks etdirən video görüntülər yayılıb.
Femida.az
Oxunub: 853
Oxşar xəbərlər
- Polisə yalan məlumat verən şəxslər saxlanılıb
- Polisə müqavimət göstərən şəxs zərərsizləşdirilib
- Polisə yalandan “bomba var” deyən şəxs tutuldu
- Polisə xəsarət yetirən şəxs tutulub
- Polisə hücum edib, silahını aldılar
- Polisə ictimai dəstək qrupunun üzvü bıçaqlanıb
- Polisə ictimai dəstək olmaq istəyənlərin nəzərinə - İş var
- Polisə tabe olmasaq, bizi hansı cəza gözləyir? - Hüquqi şərh
- Polisə daha bir səlahiyyət verildi
- Polisə atəş açdı, öldürüldü - Azərbaycanla sərhəddə