Metroda telefon oğrusu tutulub
15:30 25 Noyabr 2017
Metroda cibgirliklə məşğil olan şəxs saxlanılıb. Daxili İşlər Nazirliyinin Mətbuat Xidmətindən hadisənin təfərrüatları ilə bağlı verilən məlumatda deyilir ki, noyabrın 24-də İmişli rayon sakini Orxan Əliyev və Bakı şəhər sakini Əsmər Səlimova metronun “28 May” və “Elmlər Akademiyası” stansiyalarında ciblərindən mobil telefonlarının oğurlanması barədə Bakı BPİ-nin Metropolitendə Polis Şöbəsinə müraciət ediblər.
Dərhal başlanan əməliyyat-axtarış tədbirləri ilə cibgirliklə məşğul olan qadın müəyyən edilib və elə həmin gün saat 20.10 radələrində metronun “Elmlər Akademiyası” stansiyasında o “isti izlər”lə yaxalanaraq şübhəli şəxs qismində Polis Şöbəsinə gətirilib.
Araşdırmalarla onun Bakı şəhərində yaşayan Əsmər Hüseynova olduğu müəyyən edilib.
Üzərinə baxış keçirilərkən oğurladığı 2 ədəd mobil telefon - “İphone 5S” və “Lenova K5” aşkar olunaraq maddi sübut kimi götürülüb.
Saxlanılan şəxs telefonları cibgirlik yolu ilə götürdüyünü etiraf edib.
Maddi sübut kimi götürülmüş həmin mobil telefonların İmişli rayon sakini O.Əliyevə və Bakı şəhər sakini olan Ə.Səlimovaya məxsus olduğu müəyyən edilib.
Saxlanılan şəxsdən əvvəl oğurladığı daha 2 ədəd mobil telefon da aşkar olunaraq götürülüb və onların sahiblərinin müəyyənləşdirilməsi istiqamətində tədbirlər davam etdirilir.
Faktla bağlı Bakı BPİ-nin Metropolitendə Polis Şöbəsində araşdırma aparılır. Ə.Hüseynovanın digər cinayətlərdə iştirakının olub-olmaması araşdırılır.
Femida.az
Oxunub: 1268
Oxşar xəbərlər
- Metroda Yeni il şənliyi - Nəsimi Paşayev `Şaxta Baba` obrazında
- Metroda qadınları soyanlar tutuldu
- Metrodakı gecikməyə görə bir neçə vəzifəli şəxs işdən çıxarılıb
- Metroda qadının çantasına girən kişi yaxalandı
- Metroda problem yaranıb
- Metroda qatarlar niyə gecikir?
- Metroda qapıları saxlayan şəxslər 50 manat cərimə olunacaq
- Metrodan istifadə edən sərnişinlərin sayı artıb
- Metroda oğurluq edən Gürcüstan vətəndaşı tutulub
- Metrodan istifadə edənlərin sayı artıb