Elçin Quliyev Türkiyə Silahlı Qüvvələrinin generalı ilə görüşüb
17:04 06 Dekabr 2017
Dövlət Sərhəd Xidmətinin rəisi general-polkovnik Elçin Quliyev Türkiyə Silahlı Qüvvələri Baş Qərargahının Baş Plan və Prinsiplər İdarəsinin rəisi general-polkovnik Yavuz Türkgəncin başçılıq etdiyi nümayəndə heyətini qəbul edib.
DSX-nin mətbuat mərkəzindən Femida.az-a verilən məlumata görə, görüşdə Azərbaycan Dövlət Sərhəd Xidməti və Türkiyə Silahlı Qüvvələri arasında ikitərəfli əlaqələrin vəziyyəti yüksək qiymətləndirilib və gələcək əməkdaşlığın perspektivlərinə dair fikir mübadiləsi aparılıb.
Söhbət zamanı Azərbaycanın dövlət sərhədlərindəki mövcud əməliyyat şəraiti, sərhəd təhlükəsizliyinə olan təhdidlər, o cümlədən Ermənistanın təcavüzü nəticəsində ölkə ərazisinin 20%-nin və dövlət sərhədlərinin bir hissəsinin işğal altında qalması, bu ərazilərdən qeyri-qanuni məqsədlərlə istifadə hallarının davam etdirilməsi qeyd olunub.
Transsərhəd cinayətkarlığı ilə mübarizədə həyata keçirilmiş tədbirlər, Dövlət Sərhəd Xidmətində aparılan islahatlar, sərhəd mühafizə sisteminin gücləndirilməsi, maddi-texniki bazanın təkmilləşdirilməsi üzrə görülmüş işlər və əldə olunmuş nailiyyətlər barədə məlumat verilib.
Tərəflər arasında hərbi və hərbi-texniki sahədə əlaqələrin dərinləşdirilməsi, sərhəd təhlükəsizliyinin möhkəmləndirilməsi məqsədilə qarşılıqlı təcrübə mübadiləsinin aparılması və birgə tədbirlərin keçirilməsi istiqamətində əməkdaşlığın genişləndirilməsinin zəruriliyi vurğulanıb.
Görüşdə Türkiyənin Bakıdakı səfiri Erkan Özoral da iştirak edib.
Femida.az
Oxunub: 778
Oxşar xəbərlər
- Elçin Əmirbəyov Mehriban Əliyevanın köməkçisi təyin edilib
- Elçin Quliyev Türkiyənin ordu generalı ilə görüşdü
- Elçin Behbudov da MTN-dən pul alırmış
- Elçin Quliyev türkiyəli generalla görüşüb
- Elçin Zahiroğlu yeni sayt açdı
- Elçin Əfəndiyev Şimon Peresin dəfnində - CANLI YAYIM
- Elçin Zahiroğlu AzNews.az-dan getdi
- Elçin Quliyev Berdiməhəmmədovla görüşdü
- Elçin Quliyev vətəndaşlarla görüşəcək
- Elçin Behbudovun həyat yoldaşı məhkəməyə müraciət etdi - SƏDRLİK DAVASI